Populiarios Biblijos eilutės iš Roma 14

Dalintis

Aka' yaling di Kapahentaanna Puang Alataala, tadiaete' atohang didiona ang la diandena supu bahtu' ang la dienu' supu. Ampo' ang handanna dianto inaha maroho, kasikapiaiang mesa anna mesa, anna kamasannangang inaha ang nabeaingke Inaha Masero. Ponna ke untuhu'iingkea' Kristus anna tapanoai indee, ya' la umpamasannang Puang Alataala pembabeta, anna la napakeangka'ingkea' solata.

Aka' ke tuhoingke, ya' tuhoingke untuhu'i pa'elo'na Dehata. Noa tunne' ke mateingke untuhu'i toingkene' pa'elo'na Dehata. Dahi tuho bahtu' mateingke tontongngingke petauanna Dehata.

Dianto anna pahalluia' tapengkabela-belai tuho sikapiai mesa anna mesa anna sipakatoto' yaling di kapampetahpa'ang.

Dianto anna daingkea' mala unsalla solata. Ampo' diare' tadakaii andana ahai pembabeta ang la untumäng solata tama di dosa.

Aka' yaling di Suha' Masero ma'tula' Puang Alataala naoatee, ” ‘Kalehaii indee: Ingkänna tau la mengkuntu' di oloku napenombaiä'. Anna ingkänna tau la mangngakuiä' naoate Kodi'mito Puang Alataala.’ Noanto Bahtakara Dehata.” Dahi, ingkännaingkea' pahallu untangkung tobouingkea' kita' ingkänna pembabeta di olona Puang Alataala.

Aha di alla'na solata to mampetahpa' ang dake' matoho kapampetahpa'anna, dianto bata-batake' inahanna aka' dake' nainsang aka setonganna ang mala nababe. Tahimbo manahpai yato tau ang noa. Daumpaaha kasibehtaang pano yato ang noa.

Yato solata dianto sabua'na Dehata. Daingkea' unsalla sabua'na tau senga', aka' moi maroho, moi sala, nainsang toboe' pongkahana. Anna yato solata inang la maroho, aka' mala napamaroho Puang Alataala.