Populiarios Biblijos eilutės iš Roma 10

Dalintis

Ponna ke ungngakuii yaling di tula'mu ungngoatee, ”Puang Yesus, Dianto Dehata,” anna ke umpetahpa'i yaling di inahammu ungngoatee, napatuho sumule Puang Alataala di hoi' mai di kamateang, ya' la dipasalama'o.

Aka' yaling di inahanta umpetahpa'ingkea' Puang Yesus, lambi' natahimboingkea' Puang Alataala, sibaha naangka'ingkea' maroho. Anna aka' mangngakuiingkea' yaling di tula'ta, lambi' dipasalama'ingkea'.

Dahi dianto suhunna anna mampetahpa'mi hupatau aka' sika unghingngi yato Kaheba Mapia didiona Kristus, anna nasuhung mala sika nahingngi aka' aha ang mampepainsangnging.

Tiuki' yaling di Suha' Masero naoatee, ”Menna-menna ang mampetahpa' pano di Dia dai la bundu.” Kara indee unghoa ingkänna tau, aka' dai aha dipasisenga' to Yahudi anna tau ang tadia to Yahudi. Mesa supu Dehatanna ingkänna tau, anna käyyäng pa'kalemunna pano di ingkänna tau ang mehumala' dai'. Aka' ”Menna-menna ang mehumala' dai' di Dehata la dipasalama'.”

Anna dai aha tau ang la mampepainsangnging ke dai disuo. Sinnoa ang tiuki' yaling di Suha' Masero dolu naoatee, ”Mapia liu kasuleanna tau ang umbaha Kaheba Mapia.”

Ampo' dai aha tau ang la mala mehumala' dai' di Dehata ke dake' mampetahpa'. Anna dai aha tau ang la mala mampetahpa' ke dake' unghingngi Kaheba Mapia didiona Puang Yesus. Anna dai aha tau la mala unghingngi yato Kaheba Mapia ke dai aha ang mampepainsangnging.

Kristus untuhu'i si'da-si'da Atohanna Musa. Dahi ponna ke mampetahpa'ingkea' pano, ya' naangka'ingkea' Puang Alataala maroho di olona.