Populiarios Biblijos eilutės iš Matius 27

Dalintis

Tahpana tehte' tallu solo' allo, ya' mekohang Puang Yesus yaling di basana napekäyyängngi naoatee, ”Eloi, Eloi lama sabakhtani?” ang bahtuanna, ”O Puang Alataala, Dehatangku, akaboi anna umpelleiä'?”

Yaling di Dasang Ada'na Puang Alataala aha inni' kaing makambang ang ungngalla'i Tambing Masero anna Tambing Handang Masero. Donetoo matena Puang Yesus, tahpa tilällä' tibahe derua mengkalao yaho lambi' naung di pote'na. Ya' dahi siang lino' käyyäng anna ingkänna tanete batu bika-bika. Noa tunne' mai'di ku'bu' titungka', lambi' mai'di petauanna Puang Alataala ang puhang mate tuho sumule di hoi' mai di kamateang.

Ya' mekoha sala bung Puang Yesus napekäyyängngi mane pohsu'i penanahanna.

Yato to pambahanang tantara anna ingkänna setantaraang ang nabahanang ang menge undakai Puang Yesus, sika mahea' asang liu ungngita yato lino' käyyäng anna senga'nake' ang menge dahi anna ma'karai naoatee, ”Tahpa'e' tora' indee tau Änä'na si'da Puang Alataala!”

Donetoo umbai tehte' sampulo derua tängngä allo, ya' pihsa' malillimmi kalane lambi' tehte' tallu di solo' allo.

Mekutana sala bung Pilatus naoatee, ”Ponna noa, ya' aka ang pahallu kubabe pano di Yesus ang si disanga toe' To Dilanti' la Mepasalama'?” Sika kohang naoatee, ”Pahallu ditoke' dai' di kayu sitambeng!” Mekutana bung Pilatus naoatee, ”Ampo' kakarakeang aka ang puha nababe?” Ampo' yato ingkänna tau tuhtuang sika koha napekäyyängngi naoatee, ”Pateirea'! Toke'ia'!”