Populiarios Biblijos eilutės iš Yakobus 2

Dalintis

Noa tuntone' tanda di kapampetahpa'ang: ke dai dipasitonda pembabe mapia, ya' setonganna yato kapampetahpa'ang dai aha kunanna.

Aka' ponna bätäng punti supu, dai aha sungnga', ya' mateetee'; noa sia tuntone' kapampetahpa'ang ke dai sitonda pembabe, ya' mateetee', bahtu' dai kekuna.

O ingkämmua' solasohongku, akang kunanna ke ahai tau mangngoatee, ”Kodi' mesa to mampetahpa',” ampo' dai aha tandaang pembabe mapia nababe? Malaraka napasalama' kapampetahpa'ang ang noa?

Umpetahpa'a' ungngoatee supung mesa Puang Alataala, i? Mapia toe' yatoo! Ampo' ingkänna setang napetahpa' toete' noa yatoo, anna sika lalla'i mahea'.

Ponna aha toe' tau mangngoatee, ”Aha tau ang supung unghannuang kapampetahpa'ang anna ahake' tau senga' ang supung unghannuang pembabe mapia.” Ya' la kutimba'i kuoatee, ”Sändä' paitaikä' kapampetahpa'ammu dai sitonda pembabe, anna la kupaitaio dio kapampetahpa'angku sitonda pembabeku ang mampatandaang.”

Aka' yaling umpahehsa lino Puang Alataala, dai la ungkalemui tau ang dai pa'kalemu. Ampo' tau ang pa'kalemu la napa'daiinne' yato tahungkung pano di kalaena.

Dahi malesongnga' ungnginsang ungngoatee hupatau disangai ‘to maroho’ aka' pembabena, tadia aka' kapampetahpa'anna supu.

Dahi maleso diita ahana inang pahallu dipasitonda kapampetahpa'ang anna pembabe. Anna yaling di pembabe naongei sundung kapampetahpa'ang.