Populiarios Biblijos eilutės iš Ibrani 10

Dalintis

Daa tabolii ma'himpung sibaha-baha, sinnoa ang nababe piha tau. Ampo' diare' pahalluingkea' tontong sipakaenga' mesa anna mesa. Anna tuhtuang la tapanoa lolo aka' tuhtuang madungku'mi allo kasuleanna Puang.

Pahallu umpihki' toingkea'ne' solata anna sidulu-duluiingkea' mesa anna mesa umpalanda' pa'kalemu anna pembabe mapia.

La hannu loloingkea' pano di Puang Yesus, anna daingkea' mahea' taakui taoatee dianto Dehatanta, aka' inang Puang Alataala la umpasundung pa'dandianna pano di kita'a'.

Pahallua' tontong lolo umpembabeing pangngelo'na Puang Alataala sitonda kasa'bara'ang anna malai untahimbokoa' yato ang nadandiingkoa' mating.

Dahi maimokoa' mendungku' pano di Puang Alataala sitonda unnä' inaha anna kapampetahpa'ang matoto', aka' Puang Yesus puha umpamasero inahanta umpake hahana lambi' tainsang taoatee dang aha kasalaanta. Anna haliingke nadio' uhai ang mendahi tanda kabahahsianta.

Dahi daumpabeii pa'da yato kapampetahpa'ammu dolu ang matoto' si'da-si'da. Aka' ponna ke tontongkoa' mampetahpa', la ullolongangkoa' ang mahahsa'.

Oa' solasohong, ponna ke taangka'i umbabe lolo dosa puhanna tatahimbo anna tainsang yato kaheba katahpa'ang, ya' dang la aha popenombaang ang la mala mansulängngiingkea' di hao mai di dosa. Ponna ke noai pengkerota, ya' inang la mahea'ingkea' ungngempei pampahehsaanna Puang Alataala, aka' tahungkung ang la nalambi' balinna Puang Alataala dianto api ang meleä'-leä'.