Populiarios Biblijos eilutės iš Efesus 1

Dalintis

Anna si kupalau tuke' dai' di Puang Alataala anna malai napamalesoingkoa' yaling di pihki'mu, lambi' la umpähäng manahpaa' yato pebehe ang unghannuang la nabeakoa', aka' natambaimokoa' mendahi petauanna. Anna la ungnginsang tuke'a' ungngoatee yato pebehe ahana inang napatokaing Puang Alataala pano di petauanna; anna la umpähäng toia' ungngoatee, dai aha ang nasinnoaing kakuasaanna Puang Alataala ang mengkähäng yaling di kalaeta, ingkännaingkea' to mampetahpa'. Yato kakuasaang ang mengkähäng yaling di kalaeta, dia tunto nei' ang napake naonge umpatuhoi sumule Kristus di hoi' mai di alla'na to mate, mane napaohko'i yaho di suruka di tando kuananna, dianto ongeang kakeangka'ang. Kamatandeanna Puang Yesus Kristus matande puha nei' andana kamatandeanna ingkänna to ma'pahenta, tomaraya anna ingkänna to ma'kuasa senga'. Anna noa toi kakuasaanna matande puha nei' andana ingkänna kakuasaang ang mala ditula', moi ang ahang dinoa, noa toi ang mane la aha di allo ang la sule.

Aka' dake' aha dipadahi inde lino anna puhamingkea' napillei la mesa sibaha Puang Yesus Kristus anna malaingkea' mendahi petauanna ang masero, lambi' dang la aha kasalaanta. Aka' pa'kalemunna Puang Alataala, lambi' puha napama'tantu mengkalao dolu naangka'ingkea' mendahi änä' Kalaena ungngolai pengkähänganna Puang Yesus Kristus aka' ahana inang la nababe.

Aka' titollo hahana Puang Yesus Kristus lambi' nalahpa'ingkea' Puang Alataala, bahtu' dioatee ingkänna dosanta naampungngi. Nababe yatoo aka' nakalemui si'da-si'daingkea'

Dipudi sanganna Puang Alataala, Ambena Dehatanta Puang Yesus Kristus. Puhang nabeaingkea' ingkänna pebehe mendehatanna yaho di suruka aka' sangkalebumingkea' Kristus.