Populiarios Biblijos eilutės iš 1 Korintus 9

Dalintis

Tau ang ma'silumba si ungkuasai kalaena anna malai sika ullambi' saho kapataloang. Yato saho kapataloanna dianto bunga supu ang la madihhi' malahso. Ampo' la tapengkabela-belai kita' anna malaingkea' ullambi' saho ang la tontong lambi' sapano-panona. Dahi dä' sinnoa tau ang lumumpa' sau tama, bahtu' sinnoa to pa'sidangku' ang dai nainsang umpehoai balinna.

Ampo' diare' ungkuasaiä' yato pampemala kalaeku, anna ke puhang kupepainsangnging Kaheba Mapia pano di tau senga', ya' katämpä'anna dä' la talo, ampo' la ullambi' touä' koo yato saho kapataloang.

Oa' solasohong, ungnginsang ungngoatee ke silumbai tau lumumpa', moi mai'di tau ang mentama, ampo' mesa supu ang la ullambi' yato saho kapataloang. Dahi yaling di ingkänna pembabemu pensinnoaii yato to lumumpa': pengkabela-belaii untuhu'i pangngelo'na Puang Alataala lambi' untahimboo sahomu.

Noa tunne' ke yalingngä' di alla'-alla'na tau ang malammake' kapampetahpa'anna, ya' kupensinnoai yaling di pembabeku anna malai kudului untuhu'i Puang Yesus Kristus. Pano di ingkänna hupanna tau kuangka'i kupasinnoa pembabeku anna pembabena anna malai, ke inang ahai lalanna, ya' la aha ang kubaha pano di Puang Yesus Kristus.