Populiarios Biblijos eilutės iš 1 Korintus 14

Dalintis

Aka' pangngelo'na Puang Alataala ke tiäto' mapiai ingkänna aka-aka ke ma'himpung bumi tau lella' menomba. Aka' dai nakärä'i kaha-kaha ang dai tiäto'. Sinnoa lalanna ang si napake ingkänna jumaa' senga'

Dahi, solasohong, pahallu tapengkabela-belai ungkalemui tau senga'. Anna mahasa toi ke tapemalai yato kakuasaang ang nabeaingkea' Inaha Masero, londonang kakuasaang untula' pangngelo'na Puang Alataala.

Ampo' yatone' tau ang ma'kuasa untula' pangngelo'na Puang Alataala, ma'tula' panone' di hupatau. Karanna umpamatoto' anna umpasumanga' inahanna solana sibaha napakahanga.

Yato tau ang ma'tula' yaling di ma'kahupa-hupa basa ang nabea Inaha Masero umpamatoto' inahanna toboe', ampo' yatone' tau ang untula' pangngelo'na Puang Alataala umpamatoto'ne' inahanna solana ang tihimpung.

Noa tumokoa' dio. Aka' umpemalaa' umpake yato kakuasaang ang nabeakoa' Inaha Masero, ya' palaui dai' di Puang Alataala anna ke la malai anna nabeakoa' ang la handang napahallu jumaa'.