Populiarios Biblijos eilutės iš 1 Korintus 11

Dalintis

Noa tunne' puhanna sika mande, ungngalang enu'ang punno angkoro' Puang Yesus anna naoaitee, ”Ihsinna inde enu'ang dianto pa'dandiang bakahunna Puang Alataala, ang la kupasundung ungngolai hahaku. Babeia' indee anna malaä' ungkalehai lolo ke ungngenu' bumia'.” Dahi ponna ke tapanoai ungngande yato roti anna ungngenu' yato angkoro', ya' tapepainsamminto disanga kamateanna Puang Yesus lambi' kasuleanna sumule.

Halimokoa' kupaturu bahtuanna aka suhunna anna mandei anna menu'i tau sibaha-baha, dianto ang la mampakalehaingkea' kamateanna Puang Yesus. Anna yato ang hali kutula' mating puha kutahimbo yaho mai di Kalaena Dehata: Doneto yato di bengi naonge anna dibalu'i Puang Yesus, ya' ungngalang roti anna ma'kuhhu'sumanga'i dai' di Puang Alataala, mane nabika-bikai anna ma'karai pano di pahsikolana naoatee, ”Inde roti dianto bätäng kalaeku ang kubeho nasulängngikoa'. Babeia' indee anna malaä' ungkalehai lolo.”

Dianto anna pahallukoa' umpahehsa pembabe kalaemu dolu, mane malakoa' ungngande yato roti anna ungngenu' yato angkoro'. Aka' tau ang ungngande yato roti anna ungngenu' yato angkoro' sitonda pembabe ang dai sihatang, la natahungkung Puang Alataala, aka' dai sika umpakeangka' bätäng kalaena Puang Yesus Kristus.

Dianto anna kuoaite mating: tau ang dai sihatang pembabena, sinnoa ang mane hali kutula' langngena', lella' ungngande inde rotinna Dehata anna ungngenu' inde angkoro'na, ya' salaetee', aka' sihapanne' dai umpakeangka' bätäng kalaena sibaha hahana Puang Yesus.

Dahi tuhu'i pembabeku, sinnoa untuhu'iä' pembabena Kristus.