Populiarios Biblijos eilutės iš Lǔkù 6

Dalintis

A nye nyopò tùu noǎ Nyesoa mǐ a noǎ nye. Nyesoa miě a kàan bo dbe noǎ Ɔ̈ nyiɛ̌ kɛn ble Ɔ̈ sùkuu kwete mǒ chniǐma a mǐ i kwlě gblɔ̀ɔ lo i mǐ wɔ̀ɔn le wlɛ̀, dɛǒ nɛ̀ ba tanʼǒ mɔ̀le a mǐ ke ba nuu nyopò tùu noǎ ble dbedbɛ ji, kě Nyesoa mi aa noǎ ble dbedbɛ numa Ɔ mǐ i a nye.”

Nyuà moo kàan nyu ɔ boɛ kàan tè ï sonwɛě ɔɔ kàan wlò kɛn mǒ, kɛɛ nyuà moo dɛ kukǔ nuɔ ɔ boɛ tè kukwǐ ï sonwɛě ɔɔ wlò kukǔ kɛn mǒ. Sɛjesɛ dɛà tùonyu boɛɛ klě ɛ sonwɛě ɔɔ wlò jleě mǒ.”

A bɔ̌ ɛ nunuɛ, a noɛɛ aa jlae nyo mǒ, a nu u kàan dɛ mǒ plě a nye u noǎ aǎ pɛ̀n bu ja i de le kělɔ a mɔ̀, è a mi snǒ sàe dɛ fòɛ kɔnma klee a mǐ Ja Tmɔ Nyesoaa jlǔ tù. Mɛ̌oǒ joo nɛ̀ moo Nyesoa ni kàan dɛ keǒ nyopòà mɔ̀ üǔ pe Ɔɔ tàto klee dɛ kukǔ nu nyo.

Tèǒ nì kɔn tè ba kɔn wɔle je jbojbɛ keǒ nyopò wùɛ mɔ̀ wòje keǒ aa jɔkɛn Gbeǐ nii Ɔ̌ kɔnʼɔ wɔle je jbojbɛ keǒ nyopò wùɛ mɔ̀.”

È dɛ tɛ̀ɛ Jùsu boɛa uu je de nɛ̀à Ɔ je, “Aǎ jɛɛ nyopò tùu tè, nɛ̀ bǎ se nu Nyesoa mi a tè jɛɛba. Aǎ bɛtɛ̌ɛ nyopò tùu tè je, nɛ̀ bǎ se nu Nyesoa mi a je bɛtɛ̌ɛba. A poo nyopò tùu tè wlò le Nyesoa mǐ aa tè wlò le poo lo ke.

È Jùsu kpɛɛa Ɔ win nya kě Ɔ dɛ̌a Ɔ je, “Bo tmɔɔ̌ amoà pe Něe win nɔkǔ jebo, a noɛɛ aa jlae nyo mǒ, a nu nyopòà faen amoo kàan dɛ mǒ. A po nyopòà ngmna mɔ̀ ü pe amoo chlǒ mɔ̀, è a bàteeǒ nyopòà ni amoo noǎ kukwǐ mǒ uu tà.

A nu nyopò tùu kàan dɛ mǒ, ɛɛ doǒ a jlɛ̌ bu nu amoo mǒ.

Bɛ̌ nu nyu wùɛ bɔ̌ pooěè kpǎ nyěkà mǒ, è bò teǒ nyěkà tɛ̀ɛǒ ke. Bɛ̌ nu nyu bɔ̌ sà nè wlawlǒ fòɛ mò kwa, è bò nye ɔ nè wlawlǒ chěnchaěǒ ke. Bɛ̌ nu nyu bɔ̌ sòaà dɛ, nye ɛ nɔ̀. Bɛ̌ nu nyu bɔ̌ sà nè konkɔn dɛ mò kwa, nè neǒ ɔ demǒ keǒ bɔ ja ɛ de.

È dɛ tɛ̀ɛ Jùsu boɛa uu je de nɛ̀à Ɔ je, “Ɛ se kàan tu kɔn ɛ̈ toee bui kukǔ, dɛɛ doǒ nɛ̀ ɛ mono, ɛ se tu kukǔ kɔn ɛ̈ toee kàan bui.

Tu wùɛɛ buo nɛ̀ u jbee ɛ. Nyu ně muě wiǎ tu ja ɔɔ̌ sàě kàan buo plě nyu ně muě chì klǒkwnaě tu ja ɔɔ̌ sàě klèbobo jɔ̌.