Populiarios Biblijos eilutės iš मत्ती 7

Dalintis

“परमेशरे करां मग्गा, त तुसन दित्तू गालू। ते तोप्पा, त तुसन मैल्ही गालू। ते दार गुड़काथ, त तुश्शे लेई खोल्‍लू गालू।

किजोकि ज़ै कोई मगते तै हासिल केरते, ते ज़ै कोई तोपते तैस मैल्ही गाते, ते ज़ै कोई दार गुड़काते त तैसेरेलेइ खोल्‍लू गालू।

“एल्हेरेलेइ ज़ै मेरी गल्‍लां शुनते ते तैन पुड़ अमल केरते त तै तैस अक्लमन्द मैन्हेरो ज़ेरो भोल्हो, ज़ैनी अपनु घर शफड़ी पुड़ बनेवरूए।

ज़ेरू तुस चातथ कि लोक तुसन सेइं केरन, तुस भी तैन सेइं तेरहु केरा, किजोकि मूसेरे कानूनेरी त कने नेबी केरि लिखोरी शिक्षा ईए आए।”

किजोकि तैन दार सुंकड़ू आए, ते तै बत असुखती आए, ज़ै हमेशारे ज़िन्दगरे पासे गाचे, ते तेरहां गानेबाले थोड़े आन।”

“तुस परमेशरेरे राज़्ज़े मां सिर्फ सुन्कड़े दारेरां बत्तां गेइ सकतथ। किजोकि तैन दार चौड़ू, ते तै बत बड़ी खुल्‍ली आए ज़ै नाशेरे पासे गाचे, ते तैस बत्तां गानेबाले बड़े आन।

ते तुस बुरे भोनेरे बावजूद भी अपने मट्ठन रोड़ी चीज़ां देनी ज़ानतथ, त तुश्शो सुर्गेरो बाजी तुसन रोड़ी चीज़ां कि न देलो, ज़ैना तैस करां मगतन?

“केन्ची पुड़ दोष न लेइयथ, तुसन भी दोष न लग्गेलो। किजोकि ज़ेन्च़रे तुस होरि पुड़ दोष लाएले, तेन्च़रे परमेशर भी तुश्शो न्याय केरेलो। ज़ेन्च़रे तुस होरि लोकन सेइं बर्ताव केरतथ, तेन्च़रे परमेशर तुसन सेइं बर्ताव केरेलो।”

पन ज़ै मेरी गल्‍लां शुनते ते तैन पुड़ अमल न केरे, त तै तैस बेवकूफ मैन्हेरो ज़ेरोए भोल्हो, ज़ैनी अपनु घर रेती पुड़ बनेवरू थियूं।

“तू अपने ढ्लाएरी एछ़्छ़ी मां कूड़ो किजो तकतां, पन तेरी एछ़्छ़ी मां त नग आए, ते तैसेरो तू खियाल भी न केरस? ज़द तेरी एछ़्छ़ी मां नग आए, त तू कौस ऐशी सेइं अपने ढ्लाए जो ज़ोई सकतां कि, ‘एई, अवं तेरी एछ़्छ़ी मरां कूड़ो केढी!’

“झूठे नेबन करां खबरदार रेइयथ, ज़ैना तुसन कां भैड्डां केरे रूपे मां एइतन पन असली मां तैना मारने बालां गिद्दां भोतन। तुस तैन केरे कम्मन सेइं तैन पिशानेले, कुन लोक झ़ैल्‍लन सैहींयेरां दाछ़ कढतन ते करेरी सैहींयेरां फैगू ट्लोड़तन?

एल्हेरेलेइ हर एक्‍की रोड़े बुट्टे रोड़ो फल लगते, ते हर एक्‍की बुरे बुट्टे बुरो फल लगते।

रोड़े बुट्टे बुरो फल न लग्गे, ते न बुरे बुट्टे रोड़ो फल लग्गे।

ते ज़ैस बुट्टे रोड़ो फल न लग्गे तै केटतां अग्गी मां फुकतां छ़डतन, तेन्च़रे झूठे नेबन भी सज़ा मैल्हेली।