Populiarios Biblijos eilutės iš निर्गमन 8

Dalintis

पर जिब जादूगरां नै चाह्या के अपणे तंत्र-मंत्रां कै बल तै हम भी कुटकियाँ ले आवां, पर या बात उनतै न्ही हो सकी। अर माणसां अर डांगरां दोनुवां पै कुटकियाँ बणी ए रही। फेर जादूगरां नै फिरौन तै कह्या, “यो तो परमेसवर कै हाथ का काम सै।” फेर भी यहोवा कै कहण कै मुताबिक फिरौन का मन कठोर होन्दा गया, अर उसनै मूसा अर हारुन की बात न्ही मान्‍नी।

फेर यहोवा नै मूसा तै कह्या, “फिरौन कै धोरै जाकै कह, ‘यहोवा तन्‍नै न्यू कहवै सै, के मेरी प्रजा के माणसां नै जाण दे जिसतै वे मेरी उपासना कर सकै।

पर जिब फिरौन नै देख्या के इब संकट टळ ग्या सै फेर यहोवा कै कहण कै मुताबिक उसनै फेर अपणे मन ताहीं कठोर करया, अर उनकी न्ही सुणी।

पर जै तू उननै जाण न्ही देवैगा तो सुण, मै मिंढ़क भेजकै तेरे सारे देश नै नुकसान पोहोचाण आळा सूं।

फेर यहोवा नै मूसा तै कह्या, “हारुन नै हुकम दे, ‘तू अपणी लाठ्ठी बढ़ाकै धरती की धूळ पै मार, जिसतै वो धूळ मिस्र देश म्ह कुटकियाँ बण ज्यां।’”

अर यहोवा नै उस्से तरियां करया, जिसा मूसा तै कह्या था, फिरौन कै भवन, अर उसकै कर्मचारियाँ कै घरां म्ह, अर सारे मिस्र देश म्ह डांसां के टोळ के टोळ भरगे, अर डांसां के मारे वो देश नाश होया।