Populiarios Biblijos eilutės iš निर्गमन 20

Dalintis

“मै तेरा परमेसवर यहोवा सूं, जो तन्‍नै मिस्र देश के गुलाम्मी कै घर म्ह तै लिकाड़ ल्याया सूं।” “तू मन्‍नै छोड़ दुसरयां नै परमेसवर करकै ना मानिये।”

“तू अपणे खात्तर कोए मूर्ति खोदकै ना बणाईये, ना किसे की प्रतिमा बणाईये, जो अकास म्ह, या धरती पै, या धरती कै पाणी म्ह सै। तू उननै दण्डवत ना करिये, अर ना उनकी उपासना करिये; क्यूँके मै तेरा परमेसवर यहोवा जळण राक्खण आळां परमेसवर सूं, अर जो मेरै तै बैर राक्खै सैं, उनके बेट्याँ, पोत्यां, अर पड़पोत्यां नै भी पितरां की सजा दिया करया करुँ सूं

“तू अपणे माँ-बाप का आदर करिये, जिसतै जो देश तेरा परमेसवर यहोवा तन्‍नै देवै सै उस म्ह तू घणे दिन तक रहण पावै।”

“तू विश्रामदिन नै पवित्र मानण कै खात्तर याद राखिये।

“तू अपणे परमेसवर का नाम बेकार म्ह ना लिये; क्यूँके जो यहोवा का नाम बेकार म्ह लेवै उस ताहीं यहोवा सजा दिये बिना न्ही छोड़ैगा।”

छः दिन तो तू मेहनत करकै अपणा सारा काम-काज करिये; पर सातवाँ दिन तेरे परमेसवर यहोवा कै खात्तर विश्रामदिन सै। उस म्ह ना तो तू किसे ढाळ का काम-काज करिये, अर ना तेरा बेट्टा, ना तेरी बेट्टी, ना तेरा दास, ना तेरी दास्सी, ना तेरे पशु, ना कोए परदेशी जो तेरे फाटकां कै भित्तर हो।

“तू किसे कै घर का लालच ना करिये; अर ना तो किसे की जनान्‍नी का लालच करिये, अर ना किसे कै दास-दास्सी, या बळध गधे का, ना किसे की किसे चीज का लालच करिये।”

“तू किसे कै खिलाफ झूठ्ठी गवाही ना दिये।”

“तू व्यभिचार ना करिये।”

“तू हत्या ना करिये।”

“तू चोरी ना करिये।”