Populiarios Biblijos eilutės iš योहन 19

Dalintis

अस्के येसु तानु ऊतिसि, “नना नावा कबळतुन कतम मारिह कीतन!” इनजोर इतोग़. अह इतस्के, इळ्न तला वग़्हचि, ओग़ हातोग़.

अस्के पया, नावा कबळतुन नना कतम मारिह कीतन इन्जि, येसु पुतोग़. अस्के, सास्त्रमते रासतद पोल्‍लो करल आयना इन्जि, “नाक एग़ उनडा वसता,” इनजोर इतोग़.

अस्के बोन येसु पका जीवा कीतोग़ कग़यवाल इन्ह्‌तोर, ओग़ु येसुना तलिना बाजे निच मतोग़. ओर इर्विरिन ऊळिसि, येसु तना तलिन इतोग़, “वेग़ ऊळा बायि, इंजेटाह नीवा मग़ि!” पया ओग़ कग़यवान इतोग़, “ऊळा, इंजेटाहि इद नीवा यायाल आंदु.” अस्केडाह पया येसुना तलिनु, ओग़ु तना लोन ओसि अय कीतोग़.

मति येसुनगा एवतोर अस्के, वेग़ हातदिन ऊळिसि, वेनाङ काल्किन ओग़्होर. मति येसु निटम हातोग़ इनदलाहि, ओर्वोग़ सीपय येसुना सेंकातुह्‌कु गोग़्काते कोटटोग़, अस्के चट्‌ने नेतुरि ओसो एग़ वाङता.

ओना उंदाय बोकातुन ओग़्होर आयनुर, ओसो ओन कोटटोरु ओन ऊळनुर इनजोर, देवुळ लोहवाल पिसिह केवाना लोप्पा, सास्त्रमते रासिस मनदनव इव पोल्‍लोङ करल आयना इन्जि, येसुह्‌क इह आता.

येसु तना हव्कनागुटातुन कांजिसि, तला-टाप्रा इनदनद जागातगा एवतोग़ (इब्रि पोल्‍लोते अद जागातुन “गुल्गुता” इन्ह्‌तोर).

पया सीपय्कु कोयेना गीळ पंडिसि, ओना तलातगा गळ्म कीतोर, कीसि डुंगा पंड रंगता जगा (राजाल केग़तपु) ओन केग़्‍पिह कीतोर.