Populiarios Biblijos eilutės iš Bụo aRom 10

Dalintis

Nạ ạsighe ni ịidoronhu phọ ạna ạghaaphom amitiom mọ ạJizos kụ Ọmoogh-we phọ, nạ ạḅile ni ameeraam sịphe ologhi phọ ạna mọ Ẹnaan iḅeton ni nyọdi sịphe aḍuugh phọ, kọphel li nyịna otene.

Oye lọ ameeraam ni rꞌologhi phọ ọdi, Ẹnaan kẹsighe ni mọ ọdi oye aruukuan ni. Oye lọ ạghaaphom ịidoronhu phọ ọdi amitiom, kọpel li otene.

Esi okpere, ọnaghan ghan ọghaaph phọ rạkom ghan omeeraam; bụphe rọkaaph ghan bọ ịlo aKraist kụ rọkom ghan bọ ọnaghan phọ.

Ạḍinya iigbia phọ ẹḅem mọ, “Amabi kạ́tolonaan tọrobo oye lọ ameeraam nyọdi.” Ịphen phọ ẹloghom ni oomo awe. Ọgbaranaan ólho esi ạbuo aJu rꞌaruuruen phọ. Eniin phọ Ẹnaan phọ kụ ịmoogh ni oomo awe phọ, ḅịle rẹseph ghan ni kẹbalabalami oomo ạbulo rọmagh ghan ḍien phọ ọdi. Ạḍinya iigbia phọ ẹḅem mọ, “Tọrobo oye lọ rạmagh ghan ḍien Ọmoogh-we phọ kạmoogh ni pẹleeny.”

Kụ kọkaaph ghan ika ọghaaph phọ dị aKraist útom we mọ ọghi? Ịdipho ọge bọ pạ ạḍinya iigbia phọ mọ, “Ẹekia ẹnighe dị ạrada aruwol ạbuphe oru bọ rọkaaph ghan ooḅi ọghaaph phọ ẹnighe.”

Bịdi kọmagh bọ ika ḍien oye phọ bịdi kőmeeraam bọ? Bịdi komeeraam bọ ika dị bịdi ọghaaph phọ ụ́naghan? Bịdi kọnaghan bọ ika dị oye ọghaaph ghan ọḅeni ạbidi úlho?

Ịdipho edi bọ, aKraist mamuneni Ologh phọ bịn ọ́moogh mun ịikpo, kụ Ẹnaan rẹsighe ghan tọrobo oye lọ ameeraam keḍighi oye aruukuan.