Populiarios Biblijos eilutės iš Bụo aRom 1

Dalintis

Mị ooḅi ọghaaph phọ rákiilom umugholoor. Ẹnaan rẹtuan ghan ịikpo ooḅi ọghaaph phọ kụ kẹphel oomo ạbuphe omeeraam bọ, emiigh kꞌạbuo aJu phọ kụ ẹteeny ruuruen phọ.

Ooḅi ọghaaph phọ kụ raḍeenaan ghan mọ Ẹnaan rẹtuan ghan omeeraam dị ọman úpogh kụ kẹsighe bụphe omeeraam bọ mọ ạbuo aruukuan ni. Ịdipho ạḍinya iigbia phọ ẹḅem bọ mọ, “Oye dị Ẹnaan mẹtuan omeeraam kụ ẹsighenom mọ oye aruukuan ni kạmoogh ni ghuḍum.”

Kꞌaḍio phọ Ẹnaan ẹlhem bọ aḅirini phọ, ạroozo phọ ọdi ịpe rọ́miin ghan bọ ekpeḍien phọ, ịikpo kꞌagee-pọ phọ rꞌaruukuan phọ ọdi, meganana dị awe rọmiin mọ ọdi kụ Ẹnaan phọ. Awe ọsighe ghan rạraar phọ ịpe Ẹnaan ẹlemogh bọ kụ rọotughianam ghan rọozo phọ ọdi. Ịyaar oghol kụ ọsar ọwilenaan ạbidi ílho.

Bịdi olegheri ni Ẹnaan kụ rọ́ngo ghan nyọdi eghuan phọ ọdi, ḅịle kẹn nyọdi rọ́seph ghan. Loor ịphen phọ, oomo ịitughian phọ ạbidi, epe ni oopho, ḅịle ufiri kụ mamuza ipokoro iloghi phọ ạbidi.

Bịdi ọsighe ghan igey phọ Ẹnaan kụ roonmenenom ọkpe. Rooseeny ghan rạraar phọ ịpe Ẹnaan ẹlemogh bọ kpạripe ghụn rꞌooseeny ghan ọḅile oḍighi oḍighi ọngo Ẹnaan Ọlemia phọ rꞌaloor ọdi ạkpe bọ ọngo ghan ạḍiseph kꞌagee-pọ. Ẹrol li ịdipho!

Ạghelhe phọ Ẹnaan aganana ni kꞌạke kụ ratu osoorom oomo abuḍighinom ịkaraph rꞌạbuphe Ẹnaan úlegheri bọ. Ịkaraph phọ ạbidi mesophoghom igey phọ.

Ẹnaan mẹtuan ịduon phọ ekel bịdi ẹḅogh ẹngo rụuphua umugholoor. Ạnmariir phọ kẹn bịn moghel ịpe Ẹnaan ẹto bọ, oniin ạḅile rạtoḅologhom ghan nyoniin rạghaagh. Ịduon phọ kẹn alephiri phọ moghel nmạriir phọ ọḅile romughom ẹphuom kọminian ghan rịiniom. Alephiri phọ, oniin raḍighi ghan nyoniin ịlo umugholoor, kụ esi ịduon phọ Ẹnaan rẹliom ghan ni loor phọ ạbidi ẹliomom dị ẹkasian rꞌọpioman phọ. Ịdipho bịdi mogbiighi bọ mọ bụno kólegheri mun Ẹnaan, ọdi maghel bịdi ạḅogh ạngo ịkaraph ịitughian bịn bịdi mọḅile roḍighi yogh ghan rạraar dị ị́kpe.

Bịdi role ghan oghoph mọ ạbuno ọsu ni ologhi, kụ ạri moḍigh ruwelologhi. Kpạripe rꞌooseeny ghan Ẹnaan phọ rémugh ghan bọ, bịdi ọḅile rooseeny ghan rạraar dị ọkaaghi ọghighemi we dị aḍuugh rekori ni, rꞌịnun, rꞌịnam rꞌịpe rekuura bọ.