Populiarios Biblijos eilutės iš Jọn 21

Dalintis

Bịdi role bọ eḍien phọ rọwile, kụ ạJizos apuru Saimon Pita mọ, “Saimon, ọony phọ ạJon, nạ ụphomoghian ịmi apu ịdi ạbueri phọ ụphomoghian ịmi ḍụghum?” Kụ ọdi mọ, “Ii, Ọmoogh-we, nạ alegheri ni mọ mị ạphomoghian ni nyịna.” Kụ ạJizos mọ, “Ngọ eḍien nmụny iyool-ịga phọ ạmi.” Ọdi apuru amuneniom ịyal amem mọ, “Saimon, ọony phọ ạJon, nạ ụphomoghian ni ịmi?” Kụ ọdi mọ, “Ii, Ọmoogh-we, nạ alegheri ni mọ mị ạphomoghian ni nyịna.” Kụ ạJizos mọ, “Uphoghonaan ịmi iyool-ịga phọ ạmi.” Ọdi apuru amuneniom ịraar amem mọ, “Saimon, ọony phọ ạJon, nạ ụphomoghian ni ịmi?” Kụ aloor aPita eḅonyonu ịdipho ọdi apuru bọ nyọdi amuneniom ịraar amem mọ mọ, “Nạ ụphomoghian ịmi?” kụ ọdi mọ, “Ọmoogh-we, nạ alegheri ni mọ mị ạphomoghian ni nyịna.” Kụ ạJizos mọ, “Ngọ eḍien iyool-ịga phọ ạmi.

Mị ạkar rạḅeni ghan nyịna mọ mem mọ nạ aḍighi bọ onyugheel phọ nạ ụkparamian ghan ni ukpe ạghi ekpisi lọ ẹḅeeraan nyịna, kụ mem dị nạ kaḍighi okumoor oye, nạ kasele ni rạghaagh ạna, kụ ọnon oye aḍiemiom nyịna ạkimom ekpisi lọ nạ ụ́wa ọghi.”

Kụ ọdi mọ, “Izu ọzuguru phọ anyina ẹpe ḍịghaagh elhiom oghuugh phọ, nyina kẹmiin ni ịyaar.” Kụ bịdi ọtuugh ịduon phọ oḍighi, kụ ozuom iboom ina dị útue mun ụkpaaghi ọzuguru phọ.

Kụ aSaimon Pita ạḅeni bịdi mọ, “Mị rạki ạkoni.” Kụ bịdi mọ, “Yoor kọki aani ni.” Kụ bịdi ọghi oḍigh ologhi oghuugh phọ, kụ oomo aḍughul phọ ạḍiphe bịdi ịyaar úkiigh.