Populiarios Biblijos eilutės iš Bụo ạEfesos 5

Dalintis

Ịdipho nyina meḍighi bọ buuḅi ạnmuny phọ Ẹnaan, ịtuughaany ghan nyọdi. Ẹphomoghian kụ ẹpham ghuḍum mọ anyina, ịdipho aKraist ụphomoghian bọ iyira kụ ụtuan bọ iyira aphiemi ghuḍum mọ ọdi, mụdi ịinua rꞌẹkia dị repulughaan eeḅi eḍu, dị ọphighoronaan ọngo Ẹnaan kụ ẹsighe ni!

Imiigha loor dọl phọ anyina. Kẹ́tol dọl arolologhi, ịtol dọl olegheri ịyaar. Ípeghom ghan ephegh mọony eepoogh lọ nyina ẹmoogh, ịdi eḍighi bọ ịphen ịkaraph ariiḍio.

Kéḍighi rọoko amiim, ọbo kiphiemi ghan bọ inyina. Uwaloor Iigbia phọ ghụn kụ amuza ghan loor phọ anyina! Oniin ạghaaphan ghan nyoniin ọnhu ạsuor aruukuan rꞌọḍe rꞌoboom Ẹnaan! Ịmoor ghan sụor aruukuan rꞌọḍe kụ eboomiom Ọmoogh-we phọ sịphe iloghi phọ anyina. Ikol ghan oomo ạraraar ẹngo ḍịseph Ẹnaan Ọde phọ esi aḍien phọ ạJizos Kraist Ọmoogh-we phọ ayira.

Kéyeela. Ịkparami ghan ghụn ẹwa elegheri ịpe Ọmoogh-we phọ rạwa bọ mọ iḍighi ghan phọ.

Burulhom, ịpomoghian nmạriir phọ anyina, ịdipho aKraist ạphomoghian bọ bụo ạsiosi phọ kụ ạtuan bọ amughanaan.

Nyina ịrol ghan ẹku ufiri, kụ sịen nyina meḍighi bọ weye Ọmoogh-we phọ, nyina memite ẹphalaḅaal. Ịtuugh dọl aweye ẹphalaḅaal phọ kụ ẹrol

Ịdipho nyina ẹlogh bọ eghuan Kraist, oniin asooromi ghan loor ạngo nyoniin!

Nmạriir ilom, isooromi ghan loor ẹngo burulhom mọ anyina, ịdipho nyina esooromi bọ rẹngo ghan Ọmoogh-we phọ

Ịduon phọ ịkpulughiom aani ni inyina. Tọrobo ọnyo anyina ạphomoghian ghan ạnir phọ ọdi, ḅịle kẹn tọrobo ạnir ạlogh ghan ni eghuan olhom mọ ọdi!

Ịdipho ạḍinya iigbia phọ rẹḅem ghan bọ mọ, “Loor ịduon phọ kụ ẹdi oye kạtuan ạgbatanaan ọde rꞌonhiin ọdi kụ ạḅophan rꞌạnir ọdi, kụ ịyal phọ ạbidi koḍighi iniin iphulupul.”

Kéḍighan aani oḍighi yogh ạraraar ufiri phọ igey iimuma rémuum bọ. Ịsighe ghan ghụn ịphen phọ emitiom obalelhe.