Mị rạlom ghan Egbogh Ẹnaan phọ mọ ạsighe ẹeḍiom eegu phọ ọdi, ạtuan Uwaloor Iigbia phọ, ịngo inyina ịikpo, ọbo aruwaloor phọ anyina ẹmoogh ịnyaam, ḅịle aKraist ạtuan omeeraam mọ anyina ạgbema sịphe iloghi phọ anyina aḍighi marugh ọdi. Mị rạaḅereghi ghan ni Ẹnaan mọ ẹphomoghian kụ eḍighi sịni rꞌephighiom anyina. Ọbo nyina rꞌoomo awe phọ Ẹnaan ẹmoogh ịikpo ọkpaph ọpham ẹreghe rꞌạḍidoony, ḍiphoph ạnyu rꞌạḍikel ude ẹphomoghian phọ aKraist, elegheriom ịphen phọ rólegheri ghan bọ kọman, ọbo oomo igey ạroozo phọ emunughan bọ esi Ẹnaan, emunughan aani sịphe iloghi phọ anyina.