Populiarios Biblijos eilutės iš 2 Bụo ạTesalonika 2

Dalintis

Kémeera rꞌamem mọ oye iikeleghi inyina. Aḍio Ọmoogh-we phọ kétu, tụtu oghel Ẹnaan ekureriom mọ aru aten, ḅịle kẹn Oye Eekuna Ạsipioghom mọ ạda bọ ọda oḍigh ooni ạnian phọ maru amite.

Bụo asiya, ẹkpianaan ni dị yoor kighol ghan inyina phọ Ọmoogh-we phọ ạphomoghian bọ ọseph Ẹnaan oomo amem, ịdi eḍighi bọ Ẹnaan mịsaḅar inyina eḍighi ịḅel iimuma ibugha ạpeleeny phọ, ịdipho mewoph bọ ruwaloor phọ anyina, eḍighi ịdi nyina mẹkuami emeeraam igey phọ.

Ọdi kạmerenyan oomo ạraraar lọ awe rọoḅereghi ghan, ḅịle rꞌoomo ạraraar lọ ogbiighiom mọ ạrumugh. Ọdi kapophe ni loor iboom, dị tụtu kạki ni ạtol ude pạ Otu Ịiḅereghi phọ Ẹnaan kụ akophora mọ ọno kụ Ẹnaan phọ.

ẠJizos Kraist Ọmoogh-we phọ ayira rꞌaloor ọdi, rꞌẸnaan Ọde phọ ayira ụphomoghian bọ iyira, kụ ạtuan bọ ọghor phọ ọdi ụngo iyira ạkpo ologhi rꞌogey oḍuom ologhi kꞌagee-pọ, imuzeḍinaan inyina ạkpo ologhi rꞌịnyaam oḍighinom rꞌọghaaphom oomo phọ ịpe ẹnighe bọ!

Ịduon kụ iḍighi kụ Ẹnaan kẹngo bọ bịdi ịikpo ọpioman dị keekeleghi bịdi mọ omeeraam ọkpe.

Oye Eekuna Ạsipioghom mọ katumom ịikpo aSetan kụ aḍighi yogh ịiḍaany kịrokiro rꞌareḍeenaan rꞌimananaany ọkpe ịlo ookeleghiom ạbuphe kope bọ. Bịdi kọ́moogh pẹleeny ịdi eḍighi bọ bịdi moghel igey phọ.

Azin ạsipioghom mọ mamiigh ni oḍighi, kụ ịpe kemite bọ kémite tụtu ọpo rạpamaghan bọ mạḍua.