Kụ ạḍiseph edianaan ni Ẹnaan. Ọdi mụkpotonom iyoor phọ mosiph bọ ọḅaranaan Kraist ḍita igiri ọkpar opu phọ ọdi. Ụsighe ghan iyoor ịdipho eeḅi eḍu dị ephur reeleghaan oomo arikpisi, mọ oḍighi ịdi olegheri ịlo aKraist keeleghaan aani. Yoor kụ eeḅi eḍu ịnsens phọ aKraist rasuanaan ghan bọ Ẹnaan. Eḍu phọ repur ghan ni kẹteeny bụphe rọpel bọ kotene rꞌạbuphe ropeeghu bọ.