Populiarios Biblijos eilutės iš Mɑtʉ̈ɔ 28

Dalintis

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ, ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Cʉ̈ɔꞋ-Sɛ́ cú mbɔ̌ pɑŋɡɛ́ ɛ̂pɑ́ ŋɡɔ: «Kɔɔ pʉʉ pɔ́k, n jí ŋɡɔ pʉʉ tɔ́ lɔɔ Yɛ́su ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.» A kɑ́ pɛ́t ḿbɔ́ zɑꞋnɛ pɔ́, ɑ zẅíimɛ nǔu nɛvú pɑ́Ꞌ ɑ kɑ cúnɛ lɑ́. Pʉʉ tɔ́ ńdíŋɛ zʉꞋ yí pfú yɛ́ ḿbɔ́nɛ zúꞋu lɑ ńjʉ́ɔ.

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.

Pɛtɑ́tndɑ́-pɑnɔŋpɔꞋ, fúŋ pɛkɛ́m-lɑ́Ꞌ, pɔ́p pɛpɔ́p cúꞋlɛ ńnɑ́ŋ sɛ́, ŋ́kwɑŋɛ, ŋ́ɡɑ́ ḿbʉ̈ɔꞋ-ŋkɑ́p mbɔ̌ pɑlʉ̈ɔ́Ꞌntsɔ, ńcú mbɔ̌ pɔ́p ŋɡɔ: «Pʉʉ cú pɔ ŋɡɔ pʉʉ lɑ́Ꞌ ḿbɔ́ ńdɛ́ nɛtúꞋ, ɡɑŋku-Yɛ́su tɔ́ ńjɔ pfú yɛ́ ńdɔk ŋ́ɡʉ. Ŋɡɔ́mnɑɑ lɑɑ ŋ́kɛ́ ńzúꞋ, mbɔ pɛk ɡʉ ńjí nu yí pɛk ɡʉ ɛ́sẅíi wɛ́, ḿbɔ́k wʉ́ʉ nɛjʉ́ɔ ŋɡʉ̈ɔ́Ꞌ.» Pɑlʉ̈ɔ́Ꞌntsɔ cẅɛ́ɛ ŋkɑ́p, ŋ́ɡɛ pɑ́Ꞌ pɛ́ cúnɛ mbɔ̌ pɔ́p. Ɛ́ pɔ́Ꞌɔ lɑ́ yɔ nu ɡɔ́ɔ ɛ́sɑt zʉꞋ tsɛtsɛt pɑyúdɑ. Pɛ́ cú pɔ yɛ́tɛ́ tɛ ŋ́kúu lɔ́Ꞌnɛ.