Populiarios Biblijos eilutės iš Džiibén 37

Dalintis

I dykhciá (dyjá) Joza suné, i rosphendiá les péskire pšalénge; i jone butýr lyné les te na vyrikiren.

Izrailjoske Joza sys pir iló butýr saréndyr péskire čhavéndyr, pal-dová so jov sys léskire phuripnaskiro čhavó, – i jov kerdiá léske cviatytko uribén.

I dykhné léskire pšála, so léngiro dad ĥazdéla les butýr léskire saréndyr pšaléndyr; i lyné te na dykhén pe léste laskasa, i na mogindlé te rakirén lésa ilytkes.

I dykhciá jov javír suné, i rosphendiá les péskire pšalénge, rakirí: “Ĥáda, me dykhcjom iščo (inké) sunó: ĥáda, kham, i čhon, i dešujékh čergeniá kloninenape mánge.”

Pšale léskire dénas jakhalo léske, a léskiro dad zaripirdia davá lav.

Jov phendiá lénge: “Šunén sunó, savó me dykhcjom: Ĥáda, ame maškirál félda phandasa ĥarby (snopy); i ĥáda, miro ĥarbo uštyjá, i terdijá mamúj (rovnes); i ĥáda, tumaré ĥarby terdiné pašýl, i klonindlepe miréske ĥarboske.”

Javén, akaná, i zamarasa les, i čhurdasa les dre vari-saví ĥanbín (rovo/hohói), i phenása, so riskiribnáskiro murdál (zvierjo) xaja les; i dykhasa, so javéla léskire sunendyr.”

Tén'ci, kiéli džánas Madiamoskire kúpcy (tylgárja), jone tyrdyne Jozas javrí ĥanbiniatyr, ĥazdyné les i bikindle Jozas Izmail'tianenge pal biš rupuvé; a jone lydžiné Jozas dro Jegípto.

I phendlé jekh jekhéske: “Ĥáda, džála odová, savó dykhéla suné!

I dykhné les jone durál, angledýr syr jov podgíia ke jone, i lyné te duminen fuipén pe léste, sob (kaj) te zamarén les.

I phendiá lénge Ruvimo: “Na pročhuven rat, a čhurdén les dre ĥanbín (rovo/hohói), saví isyn pe čhučí phuv, a vastá na čhuvén pe léste.” Davá rakirdiá jov, sob (kaj) te zrakhél les léngire vasténdyr i te riskirél les ke léskiro dad.