Populiarios Biblijos eilutės iš 2 Petr 1

Dalintis

Devél, Léskire Devléskire zorjása dyjá saró aménge, so trej vaš devlýtko džiibén, sob (kaj) te udžinas Devlés, Savó khardiá amen ke Pe slavása i lačhipnása, savénca Jov dyjá naj baredýr i drogedyr lav, sob (kaj) pir davá tumé te jačen pašasa (pašésa) Devlytkoné duhóstyr i te džán krig Duhóskire xasibnastyr, savó džála nalačhé mysliatyr dro svéto sob (kaj) pir davá tumé te dživén syr trej Devléske.

Ne paldavá tumé adiáke-pac' pričhuvén zor, sob (kaj) te sykavén tumaré patiaibnastyr lačhipén, a lačhipnastyr džinybén, džinybnastyr sykljon te obrikiren pes, obrikiribnastyr javén vyrikirde (trivala), kiéli ame vyrikirasa, tedy jačasape devlytkonenca, devlytkimatyr sykavén pšalýtko patýv jekh jekhéske

i kóli saró davá isyn dre tuménde i barjola butedýr, tedy tumé na jačénpe čhučé vasténca i bi rendoskiro, kóli tumé javéna te pričhuvén zor te udžinén amaré Ras – Devlés, Isusós Xristosós

Paldavá, pšalále, pričhuvén zor usá butýr te kerén zoraledýr tumaró Devléskiro khariben i vykedyiben; kóli tumé adiáke javéna te kerén, tedy tumé nijékhvar na obštavenape