Populiarios Biblijos eilutės iš 1 Ximaske 2

Dalintis

Pal-dová so Devél isyn Jekh, i jekh isyn maškiratuno (posriedniko) maškír Devléste i manušénde, adavá manúš isyn Isúso Xristóso, Savó otdyjá Kokoró Pes, syr vykinybén pal saré manušénde, Jov sys Devléskiro dophenybén svetoske, savó sys dynó dro péskiro časo

Angledýr saréstyr, me drieván mangáva tumen, saró časo te mangénpe Devléske, te mangén i te mangénpe Devléske pal javirende te parikirén Léske pal saré manušénde, pal kral'jénde i pal saré manušéngire baré rande, sob (kaj) aménge te javél saštypen (vozmožnost'/vakancyja) te dživás štylés i ramanjonés (mirnes) saré devlytkimasa i te lydžán pes pir čačipén

Me paldavá kamám, sob (kaj) muršá te mangénpe Devléske pe kažno štéto, i sob (kaj) te ĥazdén svénta, otdyné Devléske vastá bi xolynakiro i bi kuninypnaskiro. I adiáke-pac' mek džuvliá te ur'jenpe patyvales, i lénde te javén ladž, te na phutjon jekh angíl jekhate drogoné idiasa, suvnakása, ci kučoné barénca, ci balengire gožymasa, ne sob (kaj) jone fedýr te kerén lačhé réndy, savé i trej te kerél džuvliáke, saví otdyjá pes Devléske.