Populiarios Biblijos eilutės iš 1 Petr 2

Dalintis

Ne tumé san vykedyné bijanypnastyr, kralitka rašaja, svénta manušá Devléskire mištypnástyr, sob (kaj) te vyphenen lačhipén pal Léste, Savó khardiá tumen kalypnástyr dro divno Léskiro dud (svéto)

Hristóso Kokoró Péskire Masenca ĥazdyjá amaré gréhi pe trušúl, sob (kaj) ame te javas mulé vaš grého i te dživás pir čačipén: Léskire fránsy (rany) vysastiakirde tumen. Pal-dová so tumé sánas xasibnýtka bakré, savé blendynenas, ne kakaná tumé risiné ke tumaró Čhupnári (Pastyrjo) i ke Khangirjákiro Dykhibnaskiro (Bliustitieljo), Savó rakhéla tumaró di.

tumen, savé na sys Léskire manušá, a kakaná tumé jačné Léskire manušénca, ĥaredyr tumen na tangindle (na žalindle), akaná isyn Devléskiro tangipén ke tumé.

a javén tumé sýrby bijaty, savé féni so bijándyne, i tumé tyrdenpe ke lavitko thud (Devléskiro lav), sob (kaj) te čaliakirenpe lésa i te barjon ke zrakhibén

Dróga miré! Me drieván mangáva tumen, syr manušén, savé naĥara javné pe daja phuv i savé lodena pir davá svéto: durjon tumaré ločakire kamibnastyr, savó isyn proti tumaró di; i dživén pir čačipén maškír Najudénde, sob (kaj) odolé, kon rakiréla čoripén pe tuménde, so tumé san fuj, te dykhén tumaré lačhé réndy i te slavinén Devlés, kiéli Jov javéla.

i kokoré tumé, savé san sýrby džidé bará, kerén péstyr duhovno kher te mangélpe Devléske, sob (kaj) tumé te javén svénta rašaja, sob (kaj) te janén svénto dyibén, savéske javéla rado Devél pir Isusóste Xristosóste.

Tedy mekén kažno xolý, frentyma, dujemuitkima, zevlynypén i kažna xohané lavá

Javén pašyledýr ke Jov, Savó isyn sýrby džidó bar, Saves manušá na prilyné, a Saves Devél vykedyjá syr Drogones Léske

Dživén syr vol'na manušá; ne te na javél daja vólia vaš dová, sob (kaj) te priučhakiren grého, a dživén syr Devléskire pishárja.

Pal-dová so pe davá isyn Devléskiri vólia, sob (kaj) te kerás lačhipén i pir davá te javén štyl uštá dylyné manušéngire, kiéli jone javénas te rakirén grehítka lavá.