Populiarios Biblijos eilutės iš 1 Korinfianenge 9

Dalintis

Ne kažno manúš, kon marelape pal prizo, obrikirlape saréstyr, so isyn namišto vaš léskiro prastaiben: kodolé manušá vaš dová, sob (kaj) lénge te len viánka (koróna), saví kirnjola, a ame vaš kodoia viánka, saví na kirnjola. I paldová me prastava na sýrby manúš, konéske nane smyslo, paldavá me maravpe pal prizo na syr manúš, savó pekavela pir fáno (vozduho).

Ne me khiniakirava miré masá i rikirava les dre vastá, sob (kaj) kiéli me javáva te rosphenav bahtalý zan javirénge, mánge te na jačavpe nalačhesa vaš prastaiben.

Ci džinéna tumé, so saré, kon prastala pe stadiono, prastána so isyn sygedýr jekh angíl jekhéste, ne féni jekh léla prizo. Paldavá, prastan saré, sob (kaj) tuménge te vybašaven prizo.

Me jacjom sýrby bizorjákiro dro patiaibén vaš odolénge, konéste nane zoraló patiaibén vaš odová, sob (kaj) mánge te kedav odolén, konéste nane zoraló patiaibén. Vaš saré manušénge me kerdjompe sýrby kažnonesa léndyr vaš dová, sob (kaj) mánge te zrakhav vari-konés, syr féni saštý.