Populiarios Biblijos eilutės iš ĀCƐ URÓM 8

Dalintis

Alɔ jé ka ipú ɔdā dóódu Alelékwū kú Ɔwɔicō gē yúklɔ́ ohígbū olɔhi kú ācɛ nōó he uwá ɔtū ā, ācɛ nōó hīgwú o yá ɛ́ɛ́ kóō lɛ ɔdā nōo bī ɔtū ā yá ā.

Ohígbū ka n jé cāā ka ɔdā dúú í gáā hɛ́ alɔ ŋmá ihɔtū kú nū glá ŋ́. Alɔ kōō gekwú ámāŋ ka alɔ yēeyī, ámāŋ alelékwū-ōtɛ̄hɔ̄, ámāŋ aígbómína, ámāŋ aɔ́dā nēe lɛ ɔfú kú ɔkpáncō í hɛ́ alɔ ŋmá ihɔtū kú nū glá ŋ́. Ɔdā nēe bá ī yá abālɔbányā mɛ́mla ɔdā nōo í yá ɛ̄cɔ̄bū ā í gáā hɛ́ alɔ ŋ́má ihɔtū kú nū glá ŋ́. Ó kōō wɛ ɛcɛ nōo yɔ̄ icō kú alɔ ámāŋ ɛcɛ nōo nɛ̄ yɔ̄ ɛháajɛ kú alɔ ā, ámāŋ ɔdā dúú nōo yɔ̄ ipú ɛjɛ̄ɛ̄jī ɔdā nēé yá ā, í lɔfú hɛ́ alɔ ŋmá ihɔtū kú Ɔwɔicō nōó mafú lɛ alɔ ŋmá ɛgiyí Ohɔ́nyɛtá Ujísɔ̄si, Óndú alɔ ā glá ŋ́.

Ɔwɛ ékpónú ɔ́ɔmā Alelékwū wā í tá alɔ nēe le gbagbafú ā abɔ̄. Ohígbū ka alɔ í jé ɛ́gɛ́nɛ̄ alɔ cíkā ō gbɔ̄ɔkɔ ā gɛ ŋ́, amáŋ Alelékwū abɔ̄yī nū ā í má okónu kɛlā ŋ́ gē tíifiifu gē gbɔ̄ɔkɔ ohígbū alɔ.

Ɔdí nɛ̄ alɔ í ka lɛyíkwu aɔ́dā nēe bá ā mɛ́ɛ̄ ā? Ɔ́dāŋ́ ka Ɔwɔicō yɔ̄ lɛ alɔ, ɔ̄nyɛ yɔ̄ géē bɛ́yí kwu alɔ glá ā?

É gáā ŋmá ācɛ nēe pīyatɔ̄há mla Ohɔ́nyɛtá Ujísɔ̄si abālɔbányā ɛpɔ̄bí dúúmā gɛ ŋ́.

Ɔ́dāŋ́ ka ɔ̄cɛ ī gbɛlá ɔdā nɛ̄ ɔkpíyē kú nū ī dɔɔ̄kā ōfōōfūnū, ó géē kwú, amáŋ ɔ́dāŋ ka ɔ̄cɛ ī gbɛlá ɔdā nɛ̄ Alelékwū kú Ɔwɔicō ī dɔɔ̄kā ā, ó géē yēeyī klla í lɛ ɛbɔ́.

Ehée, ipú ɔdā dóódu nēe yá alɔ nēe bá ā kpɛ́mm ā, ɔ̄cɛ nōo yíihɔtū tá alɔ ā le yá kú ālɔ̄ le yálé.

N jé cāā ka ōwē nɛ̄ alɔ ī má abālɔbányā í wɛ ɔdā dúú ŋ́ ɔ́dāŋ ka alɔ lɛ ɔ́ gbla ɛgahi mɛ́mla ojīlīmā nɛ̄hi nēé gáā je lɛ alɔ ā.

Ɔdí géē hɛ́ alɔ ŋmá ihɔtū kú Ohɔ́nyɛtá glá ā? Ɛ́kɛma kɛ̄ɛ ka íwɔ́tū, kɛ̄ɛ ka oyáŋmó, kɛ̄ɛ ka ɔkpɛtā, kɛ̄ɛ ka ohɛ́ɛwa, kɛ̄ɛ ka ɔdā ō kwu ikwū ajaajɛ ámāŋ ka ikwū kɛ̄ɛ?

Anɔ́ɔ Ɔwɔicō, nōo ī má ipú ɔtū kú ācɛ ā, jé ɛlā nɛ̄ Alelékwū ā yɔ̄ ī ka ā, ohígbū ka Alelékwū ā gē gbɔ̄ɔkɔ lɛ Ɔwɔicō lɔfú lɔfú ohígbū ācɔ̄lóhɔ́nyɛtá ɔwɛ nōo he Ɔwɔicō ɔtū ā.

Ācɛ nēe yɛce Alelékwū kú Ɔwɔicō ā wɛ ayí Ɔwɔicō á.

Ācɛ nēe ī yɛce ɔdā nɛ̄ ɔkpíyē kú uwā da uwá ā, gē yá ɔdā nɛ̄ ɔkpíyē kú uwā dɔɔ̄kā ā, amáŋ ācɛ nēe ī yɛce ɔdā nɛ̄ Alelékwū Ihɔ da uwá ā, gē lɛ ɔtū kú uwā kwu ɔdā nɛ̄ Alelékwū dɔɔ̄kā ā.

Ɔ̄cɛ nōó cē ɔyí nū nɔ̄nyīlɔ tá ŋ́, amáŋ nōo kwú ɔ̄ ú gwɛ́ɛya ohígbū odúúdú alɔ ā, ó lɛ ā Ɔwɔicō nōo je ɔyí nū lɛ alɔ ā, í gáā kpó ɔdā dóódu lɛ alɔ alahá dúú ŋ́ nɛɛ?

Alelékwū kú Ɔwɔicō ā abɔ̄yī nū mla alelékwū kú alɔ cɛ̄ ijáalí ka ālɔ̄ ā wɛ ayí Ɔwɔicō. Abɔ̄ alɔ wɛ ayí nū ā, ayíbɛ ó géē hɔ́hā nōó le tū gbēyī ācɛ ɔlɛ́ nū ā ce alɔ, alɔ mɛ́mla Ohɔ́nyɛtá géē mīyɛ ɔdā nɛ̄ Ɔwɔicō le tū gbēyī nū ā. Ɔ́dāŋ́ ka alɔ móōwē mla anú alɔ kē í lɛ ɛgahi mla ojīlīmā nɛ̄hi mla anú dúú.

Ācɛ nēe ī yá ɔdā nɛ̄ ɔkpíyē kú uwā dɔɔ̄kā ā kwú pīya aólɛlā kú Ɔwɔicō, ohígbū kéē lɛyítáajɛ lɛ íne kú Ɔwɔicō glá ŋ́, ɔkwɔ̄ɔ̄kwɛ̄yi é lɛyítáajɛ lɛ ɔ́ glá ŋ́.

Ɛjɛ̄ɛ̄jī ɔdā nɛ̄ Ɔwɔicō yá ā leyī kwɛcɛ gɛɛ gē gbēyī Ɔwɔicō ka o lɛ ayí nū mafú.

Alɔ jé ka odúúdú ɔdā nēé yá ā yɔ̄ gē tíifu ī jɔ́ɔnɔ, bɛ̄ɛka ɔnɔ kú ɔyí ō ma ā.