Populiarios Biblijos eilutės iš ĀCƐ URÓM 6

Dalintis

Ohígbū ka ɔ́dāŋ ka ɔ̄cɛ le íne bīya ɔdā nōo tá ɔ̄ ɔkwu ā wɛ ikwū, amáŋ ɛhi nɛ̄ Ɔwɔicō ī je alahá ā wɛ oyēeyī nōó ī mɛ ŋ́ ipú o pīyatɔ̄há mla Ohɔ́nyɛtá Ujísɔ̄si Óndú alɔ.

Aá gáā jɛga lɛ ínoōbīya kóō gbō aá ɛ́gɛ́nɛ̄ ɔcɛ́ gē gbō ācɛ ā ɛ́ɛ́ gɛ ŋ́. Ohígbū ka eyīnyinyi kú Ɔwɔicō gē gbō aá mɛ́ɛ̄ á, ó wɛ íne gɛ ŋ́.

Ubatísim nēé yá alɔ ā, wɛ ɔdōcābɔ̄ ka alɔ gekwú mla anú, anɔ́ɔ é lɛ alɔ nyi tɔ̄há mla anú, cɛ́ɛ́ ka ɛ́gɛ́nɛ̄ ɔfú nɛ̄hi kú Ádā ā je Ohɔ́nyɛtá héyī ŋmá ɔlékwū ā, ɛ́gɔ́ɔmā nɛ̄ alɔ lɔfú lā oyēeyī ɛ̄yīpɛ̄ dúú á.

Aá híī je ābɔ̄ okpíyē kú aá dúúmā táajɛ kéē bī ɔ̄ le bīyíne ámāŋ́ ko bī ɔ̄ le bɔ̄bíipú ŋ́. Ikɔkɔ ɔ́ɔmā aá kwú iyī aá ú lɛ Ɔwɔicō bɛ̄ɛka ācɛ nēé je héyī ŋmá ɔlékwū ā, cɛ́ɛ́ aá kwú iyī aá ú lɛ Ɔwɔicō dúúdú, cɛ́ɛ́ kóō bī aá lɛ yúklɔ́ kú ɔdā nōo lɔhi.

Alɔ jé kéē lɛ oyēeyī otɛtɛ kú alɔ ā nyɔ́kpá mla Ohɔ́nyɛtá, cɛ́ɛ́ kéē lɛ ɔfú nōo gē cɛ̄ lɛ alɔ ī bīyíne ā yíífi, o yá ɛ́ɛ́ ká ālɔ̄ híī wɛ ɔfiyɛ kú ínoōbīya gɛ ŋ́.

Ɔwɛ ékpónú ɔ́ɔmā, ɛjī kwɛjī lɛ ɔfú kú ínoōbīya nɛɛ aá géē je iyī aá ka aá gekwú ɛ́ɛ́, amáŋ aá yɔ̄ ī yēeyī ī lé tɔ̄há mla Ɔwɔicō ipú opīya tɔ̄há mɛ́mla Ohɔ́nyɛtá Ujísɔ̄si.

Ɔdí nɛ̄ alɔ ī ka mɛ́ɛ̄ ā? Ālɔ̄ yɔ̄ ī bīyíne cɛ́ɛ́ ká Ɔwɔicō kóō yɔ̄ ī ményinyi alɔ tōōtɔ̄ɔ̄ nɛɛ? Ó lɛ ɔwɛ ŋ́! Alɔ lɛbɛ̄ɛka okwū ā ɛgiyí íneōbīya mɛ́ɛ́nɛ, ɔwɛ nyá nɛ̄ alɔ gē yēeyī yɔ̄ gē bīyíne kpɔ́ ā?

Aá jé ka ɔ́dāŋ ka aá kwú iyī aá ú lɛ ɔ̄cɛ dúúmā ká aá cɛ̄ ɔ̄ ɛhɔ̄, ɛlā ɔkwɔ̄ɔ̄kwɛ̄yi, aá kwú pīya ɔfiyɛ kú ɔ̄cɛ nɛ̄ aá ī lɛyítáajɛ lɛ ɔ́ ā. Ó kōō wɛ ákú íne ō bīya nōo ŋmɛ́yí tá ikwū, ámāŋ ákú ɛyí ō táajɛ nōo ŋmɛ́yí tá o kagwó mla Ɔwɔicō ā.

Amáŋ alɔ í tá Ɔwɔicō ahínyá piíí! Ohígbū ka otɛtɛ ā aá lɛbɛ̄ɛka ɔfiyɛ kú ínoōbīya, amáŋ abālɔbányā aá bī ɔtū kú aá kwú ɛyí ú táajɛ lɛ ɔdā nēé nwū aá ɛɛ́. É kē lɛ aá hɛ́tá ŋmá ɔfiyɛ kú íne ō bīya, anɔ́ɔ aá kwú pīya ɔfiyɛ kú Ɔwɔicō o yá ɛ́ɛ́ kú yá ɔdā olɔhi.