Populiarios Biblijos eilutės iš ULÚKU 7

Dalintis

N da uwɔ ka, ihɔtū nɛ̄hi nɛ̄ ɔnyā ā mafú ā, cābɔ̄ kéē kwú íne alɛwa nōó bīya ā í yá ɔ̄ ɛhi ɛɛ́. Amáŋ ɔ̄cɛ nēé je olígíí yá ɔ̄ ɛhi ā gē ma ihɔtū olígíí fu. Anɔ́ɔ Ujísɔ̄si da ɔ̄cɛnyā ā kahíníī, “N kwú íne nɛ̄ a bīya ā í yá uwɔ ɛhi ɛɛ́.”

Amáŋ Ujísɔ̄si da ɔ̄cɛnyā ā kahíníī, “É lɛ uwɔ nyatá ɛɛ́ ohígbū ka a lɔtūce Ɔwɔicō. Nyɔ̄ mla ɛbɔ́ mɛ́ɛnɛ.”

Ó gaá háyi igbīhi Ujísɔ̄si, ɛgiyí ikpó kú nū, ó gbɔɔ́ ō jikwū yɔ̄ ī pɛ́ agīīje kú nū klá Ujísɔ̄si ikpó. Ó bī īnyīlɛ̄yí kú nū le agīje ā nya ŋmá ɔ́ ikpó, ó le okónu kwu ɔ́ ikpó anɔ́ɔ ó le anɔ̄ ihiméle ā cē klá anú ikpó á.

ɛ́ɛ́ nɛ̄ n kōō má iyí um ka n wɛ ɛdɔ ɔ̄cɛ nōo cíkā ō wā ɛgiyí uwɔ abɔ̄yī um ŋ́. Lɛ ɛlā ka ŋmá amānyā ōfōōfūnū, ōcē kú ɔfíyɛ kú ɔlɛ́ um géē mɛ. Ami ā dúú, yɔ̄ ɛháajɛ aótrɛ̄yí nēe lɛ íkwu fíyɛ́ um, ami ā kē lɛ aícɔ́ɔja bá ɛháajɛ um. N da ícɔ́ɔja éyi ka ‘Nyɔ̄’, ó kē le yɛ. N da ícɔ́ɔja ɔhá kóō wā, ó kē gā a. N lɛ ɔ́da je lɛ ɔfiyɛ kú um kóō lɛ odée yá, ó kē lɛ ɔ́ yá.” Ujísɔ̄si le hídáagó eko nōó lɛ ɛlā nyā pó ā. Ó le eyī pīya tá ɛwa kú ācɛ nēe tá ɔ̄ ɔkwu ā, anɔ́ɔ ó da uwá kahíníī, “N da aá ka ń má ɛdɔ ɔ̄cɛ o lɔtūce Ɔwɔicō ɛdɔ ɛ̄nyā ɛ́ɛ́ ŋ́, n kōō má ɔ̄cɛ dúú ipú ācɛ kú Ísrɛ̄lu ŋ́.

Ɛpléeko ɔ́ɔmā Ujísɔ̄si le ācɛ alɛwa hɛ́tá ŋmá ɛdɔ ōcē ɛyɛ́ɛyɛ́yí kú uwā, ó nū aálelékwū obɔ̄bí ŋmá iyē kú ācɛ, ó klla lɛ ācɛ nɛ̄ ikpēyī kú uwā pu ā eyī kpó nwūla. Ó le ohi tá ācotɛ̄hɔ̄ kú Ujɔ́ni ā kahíníī, “Kwúcē nyɔ̄ í da Ujɔ́ni ɔdā nɛ̄ aá má mɛ́mla ɛ̄nɛ̄ aá pó ā. Ācɛ opeyī gē mɛ́ɛbɛ, ācɛ ocikpó gē yāwu, é lɛ aólagwú ā hɛ́tá, aódahɔ̄ gbɔɔ́ ō páhɔ̄, é lɛ ācɛ nēe gekwú ā héyī ŋmá ɔlékwū, é klla ke lɛ ɔna kú ɔ̄kōolɔhi tá lɛ ācogbɛhá.