Populiarios Biblijos eilutės iš ULÚKU 4

Dalintis

“Alelékwū kú Óndú ā yɔ̄ iyē kú um, ohígbū ka Óndú ā lɛ um fu ká n̄ bī ɔ̄kōolɔhi gé lɛ ācogbɛhá. Ó lɛ um tɛ̄hɔ̄ ká n̄ da ācɛ nēe bá agbá ā kéē lɛ uwa hɛ̄tá ɛɛ́. Ká n̄ da ācopeyī kéē lɔfú mɛ́ɛbɛ mɛ́ɛ́nɛ. Ká n̄ lɛ ācɛ nēé gē yá uwā ōwē ā hɛ́tá. Cɛ́ɛ́ ká n̄ ka tɛ́ɛcɛ ka eko nɛ̄ Óndú ā dɔɔ̄kā ō nya ācɛ ɔlɛ́ nū tá ā gā ɛɛ́.

Ujísɔ̄si tá ohí kahíníī, “É lɛ ɔ́ tá tū ɔkpíihɔ ā kahíníī, “Gbā Óndú ā, nōo wɛ Ɔwɔicō kú uwɔ ɛ̄gbā, anú ōfōōfūnū nɛ̄ a kē í cɛ̄ ɔ̄ ɛhɔ̄ á!”

Amáŋ Ujísɔ̄si da ɔ́ kahíníī, “É lɛ ɔ́ tá tū ɔkpíihɔ ā kahíníī, ‘Ó wɛ igbō ōfūnū nɛ̄ ɔ̄cɛ í lé kóō yēeyī ā ŋ́.”

Ujísɔ̄si pīyɛyí ŋmá ísu kú Ujɔ́dan ɛga nēé yá ɔ̄ Ubatísim ā. Alelékwū Ihɔ le mu ɔ́ iyē nɛ̄hi. Anɔ́ɔ Alelékwū Ihɔ ā le ɔ́ bī ga ipú ígbíli á.

Amáŋ Ujísɔ̄si tóohi kahíníī, “É lɛ ɔ́ tá tū ɔkpíihɔ ā kahíníī, ‘Ā híīī yá Óndú ā, nōo wɛ Ɔwɔicō kú uwɔ ā ojámá ŋ́.’”

Eko nɛ̄ ebilíi lɛ Ujísɔ̄si jámá ɔwɛ dóódu ā, anɔ́ɔ ó nyɛ̄ɛ̄ hɛ̄ ɔ̄ tá gbéeko ɔhá á.

Anɔ́ɔ ebilíi ā lɛ ɔ́ bī gicō, lɛ odúúdú ajɔ̄ɔ̄cɛ́ kú ɛcɛ nyā mafú lɛ ɔ́ ipú eyī ō cēbeé á. Ebilíi da ɔ́ kahíníī, “N géē kpó odúúdú ɔfú mɛ́mla ɛgahi nyā gā awɔ. É le odúúdú uwā kpó ga um, n kē lɔfú je lɛ ɔ̄cɛ dúú nōo he um ɔtū. Ɔ́dāŋ ka a cɛ̄ lɛ ɛ̄gbā gbā um, n géē kpó odúúdú aɔ́dā nēe bá nyā ga awɔ” Ujísɔ̄si tá ohí kahíníī, “É lɛ ɔ́ tá tū ɔkpíihɔ ā kahíníī, “Gbā Óndú ā, nōo wɛ Ɔwɔicō kú uwɔ ɛ̄gbā, anú ōfōōfūnū nɛ̄ a kē í cɛ̄ ɔ̄ ɛhɔ̄ á!”

Anɔ́ɔ ebilíi le ɔ́ bī ga Ujerúsālɛm gaá kwú ɔ̄ ú ce ágēnégēne kú Agblīihɔ-nɛ̄hi ā, anɔ́ɔ ó da ɔ́ kahíníī, “Ɔ́dāŋ ka awɔ wɛ ɔyínɔ̄nyīlɔ kú Ɔwɔicō á, lɛ ómbli tá ŋmá amānyā gajɛ. Ohígbū kéē lɛ ɔ́ tá tū ɔkpíihɔ ā kahíníī, ‘Ɔwɔicō í da aálelékwū-ōtɛ̄hɔ̄ kú nū kéē leyīkwu uwɔ.’ É klla tá kahíníī, ‘É géē bī uwɔ ipú abɔ̄ kú uwā, cɛ́ɛ́ kú ɔdā dúú kóō híīī yá uwɔ ŋ́, ɛ́ nɛ̄ a kōō le ikpó gbo ɛcɔ̄, í fu ikpó ɛyí ŋ́.’” Amáŋ Ujísɔ̄si tóohi kahíníī, “É lɛ ɔ́ tá tū ɔkpíihɔ ā kahíníī, ‘Ā híīī yá Óndú ā, nōo wɛ Ɔwɔicō kú uwɔ ā ojámá ŋ́.’”