Populiarios Biblijos eilutės iš ULÚKU 17

Dalintis

Anɔ́ɔ Ujísɔ̄si da ɔ̄cɛ ā kahíníī, “É le uwɔ hɛ́tá ɛɛ́ ohígbū ka a lɔtūce. A lɔfú nyɔ̄ mɛ́ɛnɛ.”

ɔ́dāŋ koó yá uwɔ ɔdōōbɔ̄bí igbahāapa ɛ̄cī ékpónú, anɔ́ɔ ó gā ɛgiyí uwɔ igbahāapa ā yɔ̄ ī ka kahíníī, ‘N le pīyabɔ̄ ɛɛ́’, kwú yá ɔ̄ ɛhi piíí.”

Eko nɛ̄ éyi kú ipú uwā le jé ka iyē kú anúɔ kwú lɔhi ɛɛ́ mā, ó le cīgbīhi wā ɛgiyí Ujísɔ̄si, lɛ ɔkɔ cɛyí yɔ̄ ī cɛ̄tra Ɔwɔicō. Ó kwú okwúukwu í kwajɛ iyɔ̄bū Ujísɔ̄si, anɔ́ɔ ó le ahínyá tá ɔ̄ á. Ɔnyīlɔ ā wɛ ɔ̄cɛ kú Usamérīya.

Ohígbū ɔ́ɔmā, aá leyī kwɛcɛ ɛ́gɛ́nɛ̄ aá géē yá lɛ ā a! Ɔ́dāŋ ka ɔyínɛ́ uwɔ nɔ̄nyīlɔ lɛ íne bīya, le da ɔ́ ka ɔdā nōó yá ā í lɛ ɔhi ŋ́. Ɔ́dāŋ koó le pīyabɔ̄ kwú yá ɔ̄ ɛhi.

Ujísɔ̄si dɔɔ̄kā kahíníī, “Ó wɛ ācɛ igwó nɛ̄ n hɛ́tá ā ŋ́ nɛɛ? Iní nɛ̄ ācɛ ahāanɛ ohile ā bá ā?

Anɔ́ɔ Óndú ā tóohi kahíníī, “Ɔ́dāŋ nɛ̄ ɔtū nɛ̄ aá le ce ā kōō le ligíí bɛ̄ɛka īkpō ɔcí umɔ́stādi ā, aá lɔfú da ɔcí umúlbɛ̄ri nyā ka, ‘Lɛ iyī uwɔ fu ŋmáajɛ tɛgba tɛgba cɛ́ɛ́ ká ā nyɔ̄ í kwú iyī uwɔ í kwu ipú ísu.’ Ó kē í yá ɛ́gɛ́nɛ̄ aá ka ā.

Ɔ̄cɛ dúú nōo lɛ abɔ̄ kwɔtū kóō lɛ oyēeyī kú nū nyatá, ó gáā lɛ oyēeyī opiyóó ŋ́. Amáŋ ɔ̄cɛ dúú nōo kwú oyēeyī kú nū ú tónū, ó géē lɛ oyēeyī opiyóó

Ujísɔ̄si da ayíkpó kú nū kahíníī, “Aɔ́dā nōo géē yá kú ācɛ kéē bīyíne ā géē yá piíí. Amáŋ ɔ̄cɛ dúúmā nōo géē yá kú ɔdā ɛ́gɔ́ɔmā kóō yá ā le jí ɛɛ́. Ó géē lɔhi lɛ ɔ́ fíyɛ́ ɔ́dāŋ kéē kwú ɛgɔ̄ ú gbō playi anú ɔkɔ, cɛ́ɛ́ kéē kwú ɔ̄ ú tá tū ipú ísu, ikɔkɔ ɛdɔ kú italā nēe géē yá ɔ̄ ohígbū koó lɛ éyi kú aɛ́nɛ̄ŋcɛ́ nēé bá nyā yá kéē lɛ íne bīya ā.

Ɛ́gɛ́nɛ̄ ó lɛ eko kú Unówa ā nōó gáā lɛ eko nɛ̄ Ɔyínɔ̄nyīlɔ kú Ɔ̄cɛ géē wā ā á. Eko ɔ́ɔmā gbɔbū kú enyi kóō kpó ɛcɛ ā, ɛjɛ̄ɛ̄jī ācɛ bá yɔ̄ ī lé ɔdōlé, bá gē gwá. Ācɛ bá gē lɛ ɔbá, é bá gē lɛ ɔnyā, jāā gaá kwu ɛ̄cī piíí nɛ̄ Unówa ga ipú úgbéenyi ɛ́ɛ́ nɛ̄ enyi gē wā ī kpó odúúdú uwā ŋmó ā.