Populiarios Biblijos eilutės iš रोमी 12

Dalintis

आव जुकलाव लन्‍थादा जेयुँ ताझाःच्‍यो। बुरू जेयुँलाई त़ोद साःरो जैचिके। हो ताकिन वाज़ परमेस्‍वरए काता ओपैंज़्‍याव हो सैंन्‍या जेले। है जैद काताकाव चाव उलिज़्‍याव, परमेस्‍वरलाई काताए खुसी ओजैज़्‍याव स़ोनो पक्‍का काता उलिज़्‍याव, हो ब चबनै सैंन्‍या जेले।

है जैद ङानैं ङामेंर, परमेस्‍वरए जेलाई उयुँ नावर जैद ओदयार सतैंद ओयाचिउए आव तोबो पाँत ङाबिन्‍ती लिज़्‍या — जे परमेस्‍वरलाई ओज़्‍यास्‍ज़्याव मिताव य़ेन छैंवनी दाद, जेक्‍याँ भरी ओललाई चरैःचिके। परमेस्‍वरए साचो ओसेवा दान्‍या ननी ज़।

परमेस्‍वरनिकाव जेदैव आसत रेंद ज़ लिच्‍यो, दुखलाई सहिच्‍यो, एकम्‍न्‍या पोंखारिउ ज़ नैच्‍यो।

है जैद माचावलाई माचावनी हारैन्‍या माःक, माचावलाई बुरू चावनी हारैन्‍या ची।

जे तोबो फूलाव मितावर जेतावए जे जेल समारिसिउ ताके। जे जेल क्‍याँकिन छुतए ओमान ब नैच्‍यो।

जे जेल खैन्‍या साचो युँनी ज़ ओताक। माचाव पाँलाई सोद, चाव पाँत खदेप ल्‍यो ताके।

जेधुवा भरी प़ाइँ मिँरास खैद लिच्‍यो।

ङानैं ङामेंर, सुए ओक्‍याँत ज़ जेखिस ताफेरैच्‍यो। बुरू नो पाँ परमेस्‍वरलाई याद ओलस ज़ नैचिके। धर्मसास्‍त्रल मनी इताव सर्सिउ लिज़्‍या, “परमेस्‍वरए है लिज़्‍या, खिस फेरैद्यान्‍या ङा ङालिज़्‍या।”

परमेस्‍वरए ओसेवा धेङ्गै मादाद छैंव पुरूसनी कलँ लिद दोच्‍यो।

परमेस्‍वरए ङाल्योदा उयुँ ओगराँवए ज़ जे प़ाइँलाई है ङादाचिज़्‍या — जे तास॰च्‍यो। बुरू मासघ्योःसिद परमेस्‍वरए ओयाचिउ युँ हुप्‍न्‍या खावाकाव जेस उलिज़्‍याव हाःवाकाव ज़ जेक्‍याँलाई थ·रैच्‍यो।

माचावलाई माचाव फर्कैद ताएच्‍यो। जेदोज़्‍याव भरिल जेपाँःच्‍या तापुलुस्‍क।

जे जे खैद लिच्‍यो। मासघ्योःसिद, ज़िम्‍ज़ारास मनी खदेप लिच्‍यो। ‘जे वाज़ बनै सैंन्‍या’ ताजैसिच्‍यो।

“जे ते जेसुतुर ओकरेकिन ओकरे सैःदिचिके। ऱी ओछोस्‍किन उऱीछो सैःदिचिके। ननी ज़ ओङ़ैनी भुबुराए जेरालो मिताव तान्‍या ले।”

जेखिरी पसिज़्‍यावरालाई ताराथल्‍च्‍यो, बुरू परमेस्‍वरए ल्‍योनी असिक याराएच्‍यो। रेंज़्‍यावरास रेंचिके, घर्ज़्‍यावरास घर्चिके।

परमेस्‍वरए उमिनताव जेनैं जेमेंरालाई माथैंव मायो·वल यारासघैच्‍यो। जेझ़िमक हुव पाहुनारालाई चावस यारानैच्‍यो।

किताव गेक्‍याँताव गेखँ गेकुइर छुत छुत ताद सु सु याय़ेन ब लिज़्‍या, हिताव ज़ गे ख्रीसए उमिनतावर छुत छुत गेलिदी ब ख्रीसनी तक्‍याँ ज़ गेताज़्या।