Populiarios Biblijos eilutės iš फिलिप्‍पी 2

Dalintis

जे स॰द क्‍याँलाई वाज़ तान्‍या य़ेनर काता ज़ तादोच्‍यो। बुरू सज़िम्‍सिद क्‍याँकिन छुतलाई ओमान नैद्याव ताके। क्‍याँए तिर वाज़ दान्‍या माःक, प़ाइँलाई तान्‍या य़ेन दाव ताके।

जे प़ाइँए जेयुँ येसु ख्रीसए उयुँ मिताव ओताक।

नो भाःकिन ज़ परमेस्‍वरस तोबो ज़ निलिज़्‍याव। ओहक परमेस्‍वरस तोबो ज़ उलिदी ब नो हकलाई माकमैद, ओहकलाई ऱास्‍द, रितो ज़ जैसिद, मिँ मिन्‍सिद, परमेस्‍वरए ओसेवा दान्‍या जैसिके। मिँ उमिन्सिउत झन ज़ सज़िम्‍सिद, सिन्‍याक पै परमेस्‍वरए ओपाँ भरी दोक्‍यो। बनै दुखस क्रुसत सिन्‍या ब सहिक्‍यो।

जेलाई उयुँलाव मिताव य़ेन दाव परींज़्‍याव ब ओल परमेस्‍वरए ज़, धामा दान्‍या युँ जैद्याद सुदुमो परींज़्‍याव ब ओल परमेस्‍वरए ज़।

है जैद परमेस्‍वरए नोलाई सोचोइद, स्‍वर्गताव प़ाइँरानी ओमान ल्‍यो पोल नैक्‍यो। मिन भरिरानी प़ाइँरानी घ्योःव मिन नैदिक्‍यो। है जैद स्‍वर्गतावर, आव नामलावर, तल्‍ना नामलावर प़ाइँ ज़ येसुए उमिनत याघूँदानी फुलुप्‍सिद, येसु ख्रीसलाई प़ाइँए ज़ ‘प्रभु’ है दोरिज़्‍यार। ननी ज़ परमेस्‍वर ओबाबुए उमिन ब घ्योःन्‍या ले।

है जैद जेदोज़्‍याव य़ेन भरित मारूम्‍रूमैद माइ़सिद चावस दोच्‍यो। हो ताकिन ची जे परमेस्‍वरए ओज़ार जेखत माल्‍यो छैंवर थ॰रिन्‍या जेले। आव मानुवाताव यायुँ बिप्‍यादा ता·सिउराए खार्ल ब जेलाई सुए ज़ जेपाँःच्‍या पले·द्याधुन्‍या मालेर। बुरू नितावराए खार्ल चुम चुमोलाई ज़गै जैज़्‍याव सोरो मितावर रैंःन्‍या जेले।

जे ङायुँलाव ङानैं ङामेंर, ङा जेस ङालिज़्‍याकाव जेदोज़्‍याव मिताव, ङा ङामालिक मनी झन ज़ नो दैद जेनैज़्‍याव साःरो जुनीलाई जेयुँ थू जैद सुदुमो ताके।