Populiarios Biblijos eilutės iš एफिसी 5

Dalintis

है जैद जे परमेस्‍वरए उयुँलाव ओज़ार जेतावए ओल ओदोज़्‍याव य़ेन स्‍यासो ज़ जे ब दाव ताके। किताव ख्रीसए गेलाई उयुँ नाद परमेस्‍वरस सखैन्‍याए जूँनी उजिउ झाःद ओयासिउ, हिताव ज़ जे ब छुतए ल्‍योदा जेयुँ नाद दाव ताके। ख्रीसए गेजूँनी निताव य़ेन ओदोव परमेस्‍वरलाई चाव सी ङरो धुप ओचरैःव मिताव ज़ लिज़्या।

है जैद आव जेजिउत जोगोइसिद दाव ताके। मासैंन्‍याराए यादोज़्‍याव मिताव माःक, सैंसिद दाव ताके। आव गेसमय बनै माचाव ओतावए परमेस्‍वरए ओय़ेन दान्‍यात मौका भरी छुपिउ ताके।

मद छोकोराए तासमँःसिच्‍यो। नोए मुर्ख य़ेन वाज़ पले·ज़्‍याव। बुरू छैंव पुरूसए सब्याल्‍सिद, जे जेल खैद प्रभुए उमिनत भजनर गैद, जेयुँल उमिन सघ्योःद्यान्‍या गितर गैद रेंच्‍यो। गेबाबु परमेस्‍वरलाई प्रभु येसु ख्रीसए उमिननी प़ाइँल ज़ धन्‍याबाद चरैःव ज़ नैच्‍यो।

है जैद सैंसिद मालिज़्‍याव मितावर ताताच्‍यो। बुरू परमेस्‍वरए उयुँलाव य़ेनर सैंधुन्‍यार ताच्‍यो।

स़ोनो जे ज्‍या दाव खेपार किताव ख्रीसए ओमन्‍दलीलाई उयुँ नाद उजिउ झाःद ओयासिउ, हिताव ज़ जे ब जेज्‍यारालाई जेयुँ ओनाक।

जे ब ङ़ादा चुम चुमोलाव य़ेन दाज़्‍यावर जेल्‍यो। अब ते प्रभुए ओपलाँलाव य़ेन दान्‍यार जेतावए हो मिताव ज़ दोनाच्‍यो।

किताव जे ख्रीसए उधूँल लिद ओमान नैद जेएज़्‍याव, हिताव ज़ जे जेल ब जेमान नैसिच्‍यो।

जे रे दाव मेंमार मनी जेरेराए यामान नैद्याद यापाँ धूँल लिच्‍यो। नो मनी ‘प्रभुए उजूँनी ज़ ङादोज़्‍या’ लिद सम्जिउ ताके।

हैदी ब जे ज्‍या दाव खेपाराए मनी, जेक्‍याँलाई किताव जेसमारिज़्‍याव, हिताव ज़ जेज्‍यारालाई समारिउ ताके। जे रे दाव मेंमार ब जेरेराए यामान नैद्याव ताके।

धर्मसास्‍त्रल ब इताव सर्सिउ लिज़्‍या, “खेपाए ओबाबु ओआमालाई ऱास्‍द ओज्‍यास सिप ताद, नोनी तक्‍याँ ज़ ताज़्‍यानी।”

जे चुम चुमोलाव अऩाकलाव य़ेनरानी अछतङ लिद, ‘नो य़ेन ते चाव माःक’ लिद सतैंद्याव ताके।