Populiarios Biblijos eilutės iš कलस्‍सी 2

Dalintis

है जैद किताव ख्रीस येसुलाई प्रभु ज़ लिद जेभैंःव हिताव ज़ दोनाच्‍यो। स़ोनो नो जेपैसिउ पाँत जेयुँ थ·रैद ख्रीसए ओक्‍याँत पाथ परिद जेयुँ झन ज़ सुहुप्‍नाद धन्‍याबाद चरैःव ज़ नैच्‍यो।

जेलाई सुवाराए फसङ्गैन्‍या बुद्धीनिकाव पाँर यासथैचिकिन ननी ताझुकिच्‍यो। नो अऩाकलाव पाँर मिँराए याथितीनी ससैसिउर वाज़ लिज़्‍यार। नो पाँ ख्रीसए उजूँनी माःक, अइज़ सिर्जैसिउ पाँर वाज़ लिज़्‍यार।

जे ङ़ादा क्‍याल्‍न्‍या सरेस माजैसिज़्याव, मादान्‍या य़ेनर दोज़्याव छुत जातलाव मिँर जेतावए परमेस्‍वरनी सिउल गनिसिउर जेल्‍यो। हैदी ब ख्रीसस साःरो जुनील रैचिक्‍यो। परमेस्‍वरए गे प़ाइँए गेपाप क्‍याल्‍द्याद, नो ङ़ादाङाव मादान्‍या गेदोव गेङ़ैताव रिन भरी ख्रीसस क्रुसत तङ्गैद फो·द्यासिक्‍यो।

परमेस्‍वरए साचो ओगे भरी मिँ मिन्‍सिउ ख्रीसए ओक्‍याँत ज़ लिज़्‍या। नो ख्रीस प़ाइँ सक्तीर स़ोनो घेप्‍पाराए याङ़ैताव लिज़्‍या। होस तोबो ताद वाज़ जे मनी यो·वर ताद जेले।

है जैद जेलाई ज़्‍यान्‍या ओन्‍याराए जूँनी स़ोनो बारिन्‍या बारर मानिन्‍या पर्बराए जूँनी जे जेखार्ल सुए सुलाई ज़ कर लैसिन्‍या ताताक। नो भाःकिनकाव चलनर हुन्‍या पाँए ओसाँए जूँनी वाज़ उलिज़्‍याव। नो साँए साचो ओक्‍याँ ख्रीस ज़।