Populiarios Biblijos eilutės iš Lukà 7

Dalintis

Ye ŋutia mù le to na wò be yebe lɔ̃lɔ̃ gã kè be ɖè fiɔawo nyi jèsì be, wo sɔ yebe èvuɛ̃ kèwo sùgbɔa sɔ kè è. Vɔ̀ àmè kè wo sɔ èvuɛ̃ vi ɖe kpò kè èa, be lɔ̃lɔ̃ cã hùe nà.” Eye, Yesù gblɔ̃ na nyɔ̃nùa be: “Wo sɔ èvuɛ̃ wòwo kè wò.”

Vɔ̀ Yesù gblɔ̃ na nyɔ̃nùa be: “Xɔ̀sè wòa hlùɛ̃ wò gã, jo yì lè fàfa mè.”

E nɔ̀ Yesù be ŋùgbedòmè, lè yebe àfɔ̀ gbɔ, le fã àvi. E fã àɖàsì ɖo Yesù be àfɔ̀wo ji, eye e sɔ yebe èɖà kè lè èta na ɛ̀a, le tutu àfɔ̀awo ŋuti. E gbigbɔ̃ àfɔ̀awo ŋuti eye e kɔ̀ àmì huɛ̃ titia ɖo woa ji.

ye ŋutia nyè mu kpɔ ɖokoe nyè cã be mù jè ne ma va gbɔ wò ò. Gbe gblɔ̃ ènyà ɖèka kpò, eye sumɔ̃vi nyèa la gã. Đo nyè ŋutɔ a, ŋùkɔ̀nɔ̀tɔ nyèwo kpàcɛ̀ na mù, eye, nyè cã mù kpàcɛ̀ na gbãdãgbã ɖewo. Ne mù gblɔ̃ na àmè kè a be: ‘Yì’ a, e yìnà, eye ne mù gblɔ̃ na àmè ŋua be, ‘Va’ a, e vana, eye ne mù gblɔ̃ na sumɔ̃vi nyè be: ‘Wɔ̀ ekè'a, e wɔ̀nà ɛ̀.” Ekè Yesù sè ekèa, e jè ŋùmè na ɛ̀, eye e trɔ ɖoɖa àmè kèwo kplɔ̀ ɛ̀ doawo gbɔ, gblɔ̃ be: “Mù le to na mì be, nyè mu kpɔ xɔ̀sè kèa hati lè Izràɛlvi jìji ɖekpe mè ŋutɔ cã kpɔ ò.”

Gà ŋua mè kea, Yesù dà èdɔ̀ na èdɔ̀nɔ̀ sùgbɔ kèwo ŋuti èdɔ̀-lele vòvòwo lèa, e nyà gbɔ̃gbɔ̃ vuɛ̃wo, eye e hũ ŋùkuvi na ŋùvìnɔ̀ sùgbɔ. Yesù ɖo e ŋuti na Yòhanɛ̀s be nukplaviawo be: “Mì yì, ne mìa to ènu kèwo mì kpɔ ku ènu kèwo mì sèawo na Yòhanɛ̀s. Ŋùvìnɔ̀wo le kpɔ ènu, kpòtɛ̃wo le zɔ̃, èkpònɔ̀wo be ŋuti le kɔ̀, ètokunɔ̀wo le sè ènu, wo le fɔ̃ àmè kukuwo eye wo le do àŋɛ̀nyuɛ̃ a na wɔ̀amènɔ̀wo.