Populiarios Biblijos eilutės iš Matìù 22

Dalintis

Tà bɨ̀ɨ̀lè nê, “ ‘Me kɔ̀ŋke Tǎt wè Mbɔ̧ɔ̧mà nè èntɨ̧ɨ̧ wê ègème, ŋà wê nènkèm abua tò, mè me mɨ̀ɨ̀tè wuê atò.’ Eyaa wu mbɨ̧ mbì, mè ngu mbɨ̧ è tse mbɨ̧ tègème la. Mbɨ̧ è kɨꞋɨ akwèn la nàà mbɨ̀Ꞌɨ̀ yùà, ‘Me kɔ̀ŋke wanyɨ wê mbɨ̀Ꞌɨ̀ àwɔ̀ mbɔŋ.’

Mènəè ègème mbɨ̧te Musì nè bèndàꞋàtɔŋ Mbɔ̧ɔ̧mà àa shua la, e dzə a èbem mbɨ̧ tàa tebe la.”

“Yesò ghɨ̀ ale, ndià nê, ‘Bɨ̀ ko nê bɔ̀ɔ ngɨ̀ bɔ tɔ bòt nyaŋ, ka mbɔ̂ ndàà wu èbe mpiꞋa nɨŋ.’ ”

Naa li ngu àfɨꞋa bèmpfəà be yu̧u̧me la, bɔ tsiꞋi mbɨ̀Ꞌɨ̀ bɔntu̧ Mbɔ̧ɔ̧mà, mbâ̧ nè àvi ka tsi ngua ndzɔ̀Ꞌa.

Bɨ̀ nyɨꞋte am àkwȩkab yu bɨ̀a ŋǎ ane èkab taksì la.” Bɔ nɨ àkwȩkab yu nkɨ̀Ꞌɨ̂ ŋǎ abua tò. Tà bììte awɔb nê “Àtsə yàa nè èlen làa adù̧ la wu ayea wàà?” Bɔ bɨ̀ɨ̀lè nê “Àtsəa Sisà.” Ale, Yesò shu abua yɔb nê “Bɨ̀ ŋa àghɨa è wu àyea Sisà la abua tò, ŋà àghɨa è wù àyea Mbɔ̧ɔ̧mà la abua Mbɔ̧ɔ̧mà.”