Populiarios Biblijos eilutės iš Deuteronomio 11

Dalintis

Itudlo kini ngadto sa inyong mga anak kon anaa kamo sa balay, sa inyong paglakaw, sa inyong pagpahulay ug pagtrabaho.

“Busa ampingi ninyo sa bug-os ninyong kasingkasing ug kalag ang akong mga pulong. Ibugkos kini diha sa inyong bukton ug ibutang sa inyong agtang aron dili ninyo hikalimtan.

“Kon tumanon ninyo ang tanan kong gisugo kaninyo karon, nga higugmaon ninyo ang GINOO nga inyong Dios ug alagaran siya sa tibuok ninyong kasingkasing ug kalag, hatagan kamo niyag ulan sa hustong panahon aron makabaton kamog pagkaon, bino ug lana sa olibo

“Busa higugmaa ninyo ang GINOO nga inyong Dios ug tumana ang tanan niyang mga sugo.

“Timan-i ninyo nga karong adlawa gipapili ko kamo sa panalangin o sa tunglo. Panalanginan kamo kon tumanon ninyo ang mga sugo sa GINOO nga inyong Dios nga gihatag ko karon kaninyo. Apan tunglohon kamo kon dili ninyo tumanon ang iyang mga sugo ug kon kamo motipas sa dalan nga paagian niya kaninyo ug inyong simbahon ang laing mga dios nga wala ninyo simbaha kaniadto.

Isulat kini diha sa mga haligi sa pultahan sa inyong balay ug diha sa mga ganghaan aron kamo ug ang inyong mga anak makapahimulos ug taas nga kinabuhi didto sa yuta nga gisaad sa GINOO sa inyong mga katigulangan samtang magpabilin pa ang langit ibabaw sa yuta.

Ayaw gayod kamo pagbiya sa GINOO aron pagsimba sa laing mga dios