Populiarios Biblijos eilutės iš Khuubala 16

Dalintis

Ne siinga Umukasya akhola shishiindu shoosi shishikhaabatsakawo ta, wareerawo luufwa luukali lulweene nga liloba lyaasamile, ni basaani bano baamilikhilamwo atweela, ni bibiindu byaabwe byoosi byeesi bali ni nabyo, baryo beekha i makoombe nga baalamu, abweene awo nio isi kane mumanyile muri, basaani bano ilala babeele baanywaanywa isi Umukasya.” Aryo Musa n'amala khuukanikha ari, liloba khweesi baaba nga beemikhile, lyaasama luufwa luukali lwaatikhawo, nabo boosi baamilikhilamwo nga baalamu, atweela ni be muungo mwaabwe boosi, ni khuutubaasakho baloondeleli ba Kora beene, atweela ni bibiindu byaabwe byoosi.

Kora umusooleli wa Iziha, aaba umu Levi, uwe mu shikuuka sha Kohasi, atweela ni Dasani ni Abiramu, basooleli ba Eliyabu, atweela ni Oni, umusooleli wa Pelesi, nga boosi be mu shikuuka sha Rewubeni. Basaani bano baabuusanisa babaandu babaandi atweela, ni kutuuli kwe baaraangilisi babaandi baboola bitoondo bibili ni kamakhumi karaano (250), babaamanyikhaane buulayi, benyukhilamwo khukhaandisa Musa.