Populiarios Biblijos eilutės iš Khuubala 14

Dalintis

Nashiryo, mukhamiinyaalila Umukasya ta. Naluundi mukharya lwe babaandu babaamenya khu liswa ilyo ta. Ifwe kane khutsye khubafuure, lwekhuuba Umukasya ali khu luwaande lweefwe, singene bakhunyale ta. Ni nashiryo, mukharya ta.”

iwe uli Wele uwe shiisa naluundi uwiyakhila. Naluundi waloma uri iwe s'ukhalalaka khaangu ta, nga wiyakhila bubwoonaki ni bumiinyi bwoosi. Ne waloma uri uliwa shitaambiso buli mutweela ukhola buubi, khuutubaasakho ni babaana baabwe, ni babetsukhulu ni bimiila byeene.

Siinga Umukasya aba nga waakhusiimile ifwe, ilala kane akhuraangilile akhuyile, akhuwe liiswa ilyo lilitsuulemwo kamabeele ni bubuukhi bwe ntsukhi.

Ne umwakaanisi wase Kalebu s'ali nga babaandi babaaramile ta. Aryo lwekhuuba niye wabeele ni khuufukiilila musiise, khuuloondelela byoosi byeesi ingana, kane imufukiilile niye enjile mu shibala sha Kanaani, ni babetsukhulu beewe balimenya mu bweenemwo.

Ari tsya mubaboolele muri, ise netsuubiile ilala ndi indi khuutsya khubakholela sheesi mwakanile.

Kila Umukasya alomela Musa ari, “Babaandu kane boolese eena khukhuundekelesa ise bari? Kane boolese eena khuulekha khufukiilisa byeesi ise imbakholela, abe yakhaba nga nakhola bye khukhwiyaangisa biikali bibyeene mu moni tsaabwe?

Babaandu baatsya beluŋuunya isi Musa ni Aroni, nga baloma bari, “Ifwe khuba nga khukhwafwiila mu Misiri, khali sha khuyeeta! Namwe khuba nga khukhwafwiila ano mu mubiimbi!

Yoswa umusooleli wa Nuni, ni Kalebu umusooleli wa Yefune, nga nibo babaaba batweela khuubo babaatsya khuulaambuula liiswa, boonuulaka bikwaaro byaabwe, nga balomela babaandu bari, “Ifwe liiswa lyeesi khwatsiile khuulaambuula lili liiswa liilayi naabi.

Ne ikhusuubisa ndi nga ise n'ishiili Umukasya Umulamu, naluundi nga shiriifwa shase ni shishitsula mu shibala shoosi, ikhwitsubila ndi mbaawo na mutweela khu baandu bano uliinjilakho mu shibala isho ta. Lwekhuuba babaandu bano baboone shiriifwa shase, ni bye kamakaanga byase byeesi nakhola khu ba Misiri, ni byeesi ikholile mu mubiimbi muno, ne belooseele busa khukhuuminyaalila ni khukhuukhakilisa ise kimiluundi mikali. Sibakhenjileyo khuubonakho shibala sheesi nasuubisa khuushiwa bakuuka baabwe ta. Mbaawo na mutweela khuubo babaantsikaanile ise uliinjilamwo ta.