Populiarios Biblijos eilutės iš Khuurakikha 50

Dalintis

Inywe mwakana khukhuukholakho ise buubi, ne Wele aashishuusa sheekyelamwo shiilayi, ari nio anyalise khuuwonesa buulamu bwe babaandu baakali naabi, nga n'ali khuushikhola khu mbuka yino.

Kila Yusufu abeelamwo ari, “Inywe mukharyakho shishiindu shoosi ta. Ise sinyala neera ise samweene mu shifwo sha Wele ta.

Nashiryo mukhabakho ni khuurya khwoosi ta. Ise kane imbalolelele inywe atweela ni babaana beenywe.” Musaambo iyo, Yusufu waaba nga abawooyawooya, waabeesamwo kamaani.

aakhulomela ifwe ari khukhuloombe iwe ukhwiyakhile ifwe bibyoonako byeefwe, ni buubi bweesi khwakhukhola khwiiwe, nga ni khwakhubirisaka buubi. Shikila ari khukhuloomba khuri, ukhwiyakhile ifwe babaakaanisi ba Wele wa paapa woowo, buubi bweefwe bweesi khwakhola.” Buryo buurume buno nga bwoolile isi Yusufu, waalila kamasika.

Kila alomela babaandaaye ari, “Ari bona ise ndi aambi khuufwa. Ne ilala Wele akhaabalolelele inywe buulayi, khukhwoolesa naalibaraangilila khuubarusa mu Misiri muno, abayile mu shibala sheesi aasuubisa Iburayimu, Isaaka ni Yakobo.”

Kila Yusufu akyelasawo alayisa babaandaaye ari, “Ngana muntsitsubile, nga mumboolela muri nga Wele weetsile khubaraangilila waabayila mu shibala shisuubise, mulisuta kumulaambo kwase, mutsye ni nakwo.”

Aryo Yusufu waafwa nga woolisile kimiiko kye buukhulu shitoondo shitweela ni likhumi (110). Lwanyuma bakaanga kumulaambo kweewe buulayi, baakubiikha mu sanduuku.