Populiarios Biblijos eilutės iš Khuurakikha 21

Dalintis

Umukasya waaba uwe shiisa naabi isi Sara, waamukholela nga n'aba waamala khuumusuubisa.

Ne Wele n'awulila khuulila khw'omwaana, malayika wa Wele khukhwaama mwikulu, waakuukuula isi Hagari nga amuloma ari, “Lwashiina kumutaambo kwakhuwaambile? Ukharya ta. Lwekhuuba Wele waawuliile umwaana nga n'ali khuulilila awo isi ali. N'umwinyuse aasi, umuwaambe kumukhono, lwekhuuba intsya khumwikyelisa linaambo lye kamaani.”

Sara waaba shisoombo, waasaalila Iburayimu umwaana umusiinde mu busakhulu bweewe, khu mbuka nyene isi Umukasya aaba waasuubisa.

Sara waaloma ari, “Wele wambeele kumwikhoyo ni tsintsekho. Nashiryo buli mutweela ukane ashiwulilekho, kane atsekhe asangaale ni nase.”

Ne Wele waalomela Iburayimu ari, “Kumutaambo kukhakhuwaamba khulw'omwaana umusiinde yuno ni lw'omukulwa Hagari ta. Khola shoosi sheesi Sara ali khuukhulomela khuukhola. Isaaka niye uliba uwe lisaaye lilimanyikhaane, lyeesi nakhusuubisa.

Ne umusooleli yuno isi umukulwa aakhusaalila, naye kane imuwe lisaaye liikali likyele linaambo, lwekhuuba naye umwaana woowo.”