Populiarios Biblijos eilutės iš She Lukyeendo 2

Dalintis

Wele waawulila khuulila khwaabwe, aryo Wele waashebulila indakaano isi niye umweene aakhola ni Iburayimu, ni Isaaka ni Yakobo. Wele waabona babaandu ba Isiraeli nga bataambisibwa, kila abawaambila shiisa.

Lwanyuma lwe kimiiko kimikali, umuyiinga wa Misiri uyo waafwa. Ne ba Isiraeli baarama nga bataambisibwa, kila belootsa isi Wele bari abayeete. Khuulila khwaabwe khwaatsya khwoola isi Wele.

Nga umwaana waatsowele, umukhasi uyo waamuyila isi umukhaana wa Faraawo, uwamwikesa khuuba umwaana uweewe. Kila amutwiikha lisiina ari “Musa,” nga aloma ari, “Khulwekhuuba namwangala khu meetsi.”

Umukhaana wa Faraawo waalomela maawe w'omwaana tsana ari, “N'uyile umwaana yuno umuntsowesele, ni nase kane ikhuwe kumukheemba kwoowo,” Nashiryo maayi w'omwaana uyo, waayila umwaana waamutsowesa.

Lutweela umukhaana w'omuyiinga weekha iluutsi khukhwisiinga, nga baakeesa beewe balikho bakeenda ni naye woola khu ndulo khwe luluutsi. Umukhaana w'omuyiinga yuno n'abona shikono mu makhalaamba, waarumana mutweela khu bakeesa beewe khuutsya ashibukule khukhwaama isi shaba.

Shifukhu shitweela, nga ari Musa waatsowa, ali umuundu umukhulu, waakyeendakakho waatsyakho isi ba Isiraeli baashe bataambisibwila, nga baraambisibwa buukulwa. Kila abona umu Misiri mutweela nga akhupa umu Isiraeli. Musa n'anyukanyuka waabona nga mbaawo umuundu yeesi umuboone ta, naye wenyukhila umu Misiri uyo, waamukhoonya, waabisa kumulaambo kweewe mu muyekhe.