Iwe n'ubaleekele kamakaambila ka Wele, ni byeesi niye akana bakhole, uryo ubokesanise bamanye isaambo isi bali ni khukhwibirisamo ni byeesi bali ni khuukhola. Ni khuuminyisilakho ilala, robora khukhwaama mu baandu bano, abo babeesamo Wele shiriifwa, babaali babeyikinwa, naluundi babaakhalya iwoongo ta. Uwaambe babeene abo ubarewo nga baawuli khu matuuli ke babaandu baboola oba likhumi, namwe kamakhumi karaano, namwe shitoondo shitweela, namwe shikana shitweela (1,000).