Populiarios Biblijos eilutės iš Маркица бицараб Рохалил хабар 2

Dalintis

Гьеб рагӏун, Гӏисаца гьезда абуна: – Сахазе гурев тохтир хӏажалъулев, унтаразейин. Аллагьасде руссине муъминзаби ахӏизе гуро дунги вачӏун вугев, мунапикъзаби ахӏизейин.

Гьел гӏадамазул божи бихьун, Гӏисаца унтарасда абуна: – Мунагьаздаса вацӏцӏалъана, дир вас, мун!

Цинги Гӏисаца гьезда абуна: – Гӏадамал шамат къоялъе гӏоло гуро рижун ругел, шамат къо гӏадамазе гӏоло бижун буго.

Кӏалтӏе ракӏарун рукӏарал гӏадамазул гӏемерлъиялъ Гӏисада аскӏове восизе санагӏат ккечӏелъул, гьев вугеб рукъалъул тӏохги бичун, гьениса гъоркье биччазе ккана унтарав тӏад лъураб турут.

Амма нужеда лъан букӏа: Гӏадамил Лъимадул ихтияр буго гьаб ракьалда гӏадамазул мунагьал тӏасалъугьун тезе, – янги абун, Гӏиса унтарасдехун вуссана: – Дица дуда абулеб буго: тӏаде вахъа, дурго турутги босун, рокъове а!

Кинаб бигьаяб: унтарасда «Мун мунагьаздаса вацӏцӏалъанилан» абизейищ, яги «Тӏаде вахъун, дурго турутги босун, вилълъанхъейилан» абизейищ?

Ралагьун гӏадамалгун гьев чи гьебсагӏат тӏаде вахъуна, жиндирго турутги босун, къватӏиве уна. Киназго хӏикмалъун Аллагьасе рецц гьабуна. Гьез абулеб букӏана гьадинаб иш киданиги бихьичӏилан.