Populiarios Biblijos eilutės iš Маркица бицараб Рохалил хабар 12

Dalintis

Гӏисаца гьесие жаваб кьуна: – Бищунго аслияблъун ккола гьадинаб: «Гӏенекке, Исраилил уммат! Нилъер Бетӏергьан Аллагь цохӏо вугев Бетӏергьан вуго! Дурго Бетӏергьан Аллагь дуе вокьа дур тӏолабго ракӏалдалъун, дур тӏолабго рухӏалдалъун, дур тӏолабго гӏакълу-пикруялдалъун, дур тӏолабго къуват-жаналдалъун». Кӏиабилебги: «Мунго гӏадин вокьа дуе дуда аскӏов вугевги». Гьеб кӏиялдасаго тӏадегӏанаб амру гьечӏо.

Жиндирго муридалги аскӏоре ахӏун, Гӏисаца гьезда абуна: – Хӏакълъун абулеб буго дица нужеда: гьанибе садакъаде гӏарац рехаразул бицани, гьадай мискинай къоролалъ бищунго цӏикӏкӏунин кьураб. Цогидаз садакъа гьабуна жидерго боцӏи-рикъзи тӏокӏлъун, долъин абуни жиндиего хӏажат букӏаниги, садакъаде кьуна жиндирго бетӏербахъиялъе хутӏун букӏарабщинаб.

Мукъадасаб Рокъоб садакъаде гӏарац лъолеб бакӏалда дандвитӏун гӏодовги чӏун, Гӏиса валагьун вукӏана гьенибе гӏарац рехулел гӏадамазухъ. Чанги бечедал гӏадамаз гӏемераб гӏарац рехулеб бугоан гьенибе. Ячӏун цо мискинай къоролалъ рехана бащдаб капекалъул багьаяб кӏиго пахьул гӏарац.

Жиндир тӏолабго ракӏалдалъун, тӏолабго гӏакълу-пикруялдалъун, тӏолабго къуват-жаналдалъун Аллагь вокьулев вугони ва жинда аскӏов вугевги вокьулев вугони, инсанасе гьеб цӏикӏкӏине буго гьесул киналго батӏи-батӏиял къурбаназдаса.

– Къайсарасулаб къайсарасе кье, Аллагьасулаб Аллагьасе кье, – ян абуна Гӏисаца гьезда. Гьесул жавабалъ хӏикмалъизаруна гьел.