Populiarios Biblijos eilutės iš Piancilna 27

Dalintis

Ka Pasian in vantung daitui le lei’ hauhnate - buh le lenggahzu thak a dimin hong pia ta hen. Minamte in na na sem henla, nang tungah mite kun ta hen. Na sanggamte tungah topa hi inla, na nu’ tapate na mai-ah kun uh hen. Nang hong hamsiatte kihamsiat henla, nang thupha hong piate thupha kipia hen," ci hi.

Esau in, "A min Jacob a a kiphuah a man ngel veleh; amah’n tu-a tawh nih vei hong khem ta hi. Ka tapa upa za la zo a, tu-in ka thupha la khin zel hi!" a ci hi. Tua ciangin, "Kei ading thupha adang sit lai lo na hi hiam?" ci-in dong hi.

A pa Isaac in, "Na tenna, leitang hoihna pualam, tunga van daitui pualam hi ding hi. Namsau-in na nungta dinga, na sanggampa’ na na sem ding hi. Ahi hangin na kitomtom dinga na ngawng pana ama hakkol na lawnkhia ding hi," ci-in a dawng hi.

Esau in a pa kiangah, "Pa aw, thupha khat bek nei na hi hiam? Pa aw, kei zong thupha hong pia in!," a ci hi. Tua khit ciangin Esau nakpi in kap hi.