Populiarios Biblijos eilutės iš Tyai Á̱zanson 5

Dalintis

A̱wot ba̱ si̱ bwom a̱bwom a̱fai nyia̱: “Nwan wa maai a san ta̱ka̱da hu nang á̱ kut di̱n shan ji a̱ni, a bu ghwok a̱yaatimi ba, a̱wot a fang huu! Mat nwan wa á̱ ku faat, a̱wot a̱sok ang nia yet zang a nsan á̱niet da̱nian A̱gwaza a̱ni; á̱niet mi̱ kuzang nwap, a̱lyem, ma̱ng kuzang a̱byin!

A̱wot ba̱ si̱ bwom ma̱ng a̱gba̱ndang a̱nwuat nyia̱, “Fi̱ng A̱nfwuk hu nang á̱ faat a̱ni, a̱ maai a̱ san tyok, zwá, mumwang, chet, chyin, shi, ma̱ng a̱gwai!”

Nwan wa tyia̱ mba, ba̱ yet a̱yaapris ma̱ng mman Tyok da̱nian A̱gwaza nzi̱t wu! A̱wot ba̱ na nyia̱ tyok mi̱ swanta hu!”

A̱wot n si̱ bu nfa̱k kuzang nkyang nswuan nang A̱gwaza mat, ku shya̱ mi̱ kyai tswazwa ma̱ng a̱byin, ma̱ng tafa a̱byin ma̱ng kyai a̱sa̱khwot a̱ni. A̱mgba̱m nkyang nswuan na si̱ kyiak a̱bwom nyia̱, “A̱gwai ma̱ng shi, dyep ma̱ng chet yet si̱ A̱gwaza, a̱ swan da̱ a̱gba̱ndang chuk tyok wu a̱ni; mbeang Fi̱ng A̱nfwuk hu, si̱ nat sang sangba̱p!”

A̱jawa a̱tyo nyiung mami á̱niet khwop á̱niet swak nfeang ma̱ naai a̱bya nyia̱ ma̱ng a̱nung, “Yok twei bah! Di, zaki a̱ neet mi̱ kwai Yahuda a̱ni! Nggu wa yet a̱tyu a̱ na ya gado tyok a̱gwam Da̱wuda hu a̱ni. A̱ ka̱n swuo chet swanta hu! Nggu wa maai a̱ ghwok a̱yaatimi a̱natat a̱bya, a̱wot a̱ bu khwuk ta̱ka̱da hu nang á̱ kut di̱n shan a̱ni!”