Populiarios Biblijos eilutės iš Tyai Á̱zanson 20

Dalintis

Konyan wa da̱nang á̱ lyuut a̱lyoot nggu ka mami Ta̱ka̱da Nswuan hu a̱ni bah; á̱ na ta gu mami a̱gba̱ndang tswa a̱nga̱ngak ndong sang sangba̱p.

N si̱ ndi á̱niet ba̱ ka̱n kwi a̱ni; a̱cha̱chet ma̱ng a̱chyuang nang ba̱ yong a̱zaghyi a̱gba̱ndang chuk Tyok A̱gwaza! Á̱ si̱ khwuk nta̱ka̱da na, mbeang Ta̱ka̱da Nswuan hu. A̱wot á̱ si̱ faat á̱niet ba̱ ka̱n kwi a̱ni shi̱ri̱ya ma̱ cha̱chaat ma̱ng nta̱m ba̱ nyia̱ a̱ni, ma̱nang á̱ ndyuut mami ta̱ka̱da na a̱ni.

A̱wot a̱sa̱khwot na si̱ ghwut ma̱ng á̱niet ba̱ ka̱n kwi ma̱ a̱sa̱khwot na a̱ni. A̱khwu ma̱ng A̱bi mameang si̱ ma nnwuak á̱niet ba̱ ka̱n kwi a̱ni. A̱wot á̱ si̱ faat a̱mgba̱m mba shi̱ri̱ya ma̱ cha̱chaat ma̱ng nta̱m nang ba̱ nyia̱ a̱ni. A̱jawa á̱ si̱ ta A̱khwu ma̱ng A̱bi ma̱ a̱gba̱ndang a̱nga̱ngak tswa ndong. A̱gba̱ndang a̱nga̱ngak tswa ndong jini ja yet a̱khwu a̱ka̱feang ka.

A̱wot n si̱ kin di a̱gba̱ndang a̱sai chuk tyok ma̱ng a̱tyu a̱ swan da̱ nhu a̱ni! Kyai tswazwa ma̱ng a̱byin si̱ ta̱yuut, a̱ ghwon a̱tyu swan di̱ a̱gba̱ndang chuk tyok wu. A̱wot da̱ mba, á̱ bu li mba bah.

Ka̱ ndyia̱ chyikwop a̱nia tyak, á̱ na ti̱n A̱ta̱nyeang ka̱ yet Sha̱tan a̱ni ma̱ a̱tsuung bwong sang sangba̱p wu nang á̱ nyim, á̱ si̱ bat a̱ni. Ka̱ bu na ghwut ka̱ laai a̱mgba̱m nnwap mi̱ bibyin swanta hu, na̱ seang á̱ kai nfam naai mi̱ swanta na a̱ni. Nnwap nani nia á̱ ngyei Gog ma̱ng Ma̱gog. A̱ta̱nyeang ka na tung mbaa dundung, ba̱ nyia̱ zwang. Á̱niet nzwang ba na shi á̱kpa ba̱t nang a̱ji̱jak a̱beam kyai a̱sa̱khwot a̱ni.